İbrahim Xudayi
Bakı/22.05.21/Turan: Salyan rayon Məhkləməsi mayın 22-də dini mövzuda satirik şerinə görə fiziki ttəzyiqə məruz qoyulmuş şair İbrahim Xudaynin şikayəti əsasında Turqut Cəbrayılovu 30 sutka inzibati həbsə məhkum edib.
Bu barədə satrik şair facebook səhifəsində yazıb.
“30 sutka azadlıqdan məhrum olundu.Yaxınları da məndən razı qaldı və mən əlimdən gəldiyi qədər köməyə hazıram dedim. Polis heyətinə gəldikdə isə sadəcə alqış düşür. Qonşu qadınlar da məni dəstəkləmək üçün oradaydılar,” Xudayi qeyd edib.
Mayın 20-də bir neçə şəxs Salyan rayonunda (Bakıdan 129 kilometr cənub) yaşayan satirik şair İbrahim Xudayiyə hücum edib. Buna onun Facebook səhifəsində dini məzmunlu satirik şerini oxuması səbəb olub.
İbrahim Xudayi Amerikanın Səsinə müsahibəsində bildirib ki, hücum edənlər dini mövzuda yazdığı şeri Facebook profilindən silməsini və üzr istəməsini tələb ediblər.
“Onlardan əsasən biri, Turqut Cəbrayılov mənə zərbələr endirdi. Bu gün polisə şikayət etdim. İndi polis Turqut Cəbrayılovu saxlayıb. Amma, mən qorxuram. Yenə axşam gələ bilərlər. Dünən axşam da gəlib başıma və ayaqlarıma döydülər. Əllərindən güclə qaçdım,” o qeyd edib.
Öz növbəsində, Daxili İşlər Nazirliynin Mətbuat Xidmətinin KİV və İctimaiyyətlə əlaqələr şöbəsinin rəisi Elşad Hacıyev Amerikanın Səsinə bildirib ki, polis İbrahim Xudayinin təhlükəsizliyi ilə bağlı müvafiq tədbirlər həyata keçirir.
“İbrahim Xudayinin döyülmə şikayəti əsasında, əvvəllər məhkum edilmiş Turqut Cəbrayılov Salyan rayon Polis Şöbəsinə dəvət olunub. Təhqiqat araşadırması və təyin edilmiş ekspertizanın nəticələrindən asılı olaraq Cəbrayılovun əməlinə hüquqi qiymət veriləcək,” o qeyd edib.
Xatırladaq ki, Azərbaycanda 2011-ci ilin noyabrında publisist Rafiq Tağı dini mövzuda yazdığı tənqidi məqaləsindən sonra bıçaqalanıb və xəstəxanada vəfat edib. Rafiq Tağının ölümü ilə bağlı qaldırılmış cinayət işi üzrə hələ heç kim təqsirləndirilən şəxs qismində istintaqa cəlb edilməyib.-03-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz