Saxta spirtli içki istehsal edən qrup həbs edilib

Bakı/16.01.20/Turan: DİN saxta spirtli içki istehsalı ilə məşğul olan gizli sexin ləğv edildiyini bildirib. Mənbənin məlumatına görə, saxta içki hazırlayaraq restoranlara və şadlıq evlərinə satan mütəşəkkil qrup zərərsizləşdirilib.

Cinayətkar qrupa Bakı şəhər sakini Nazim Düşdurov rəhbərlik edib. O, Bakının Nəsimi rayonunda şərab evləri və anbarlar şəbəkəsinə, həmçinin Xətai, Suraxanski və Binəqədi rayonlarında gizli sexlərə sahibdir. Saxta etiketlərdən istifadə edərək həmin sexlərdə saxta “Jack Daniels” və “Chivas” viskiləri, həmçinin müxtəlif növ araq, tekila və digər spirtli içkilər hazırlanıb. Aşkarlanmış saxta məhsulların ümumi sayı 60 min şüşə olub.

Ekspertiza müəyyən edib ki, aşkar edilmiş bütün məhsullar istehlak üçün yararsızdır, hətta zərərlidir, tərkibində yüksək miqdarda metil spirti və toksin var.

Faktla bağlı N.Duşdurov və onun cinayətkar qrupunun üzvlərinə qarşı cinayət işi açılıb, hamısı həbs olunub.

Son aylar ölkə ərazisində müxtəlif spirtli və sərinləşdirici içkilərdən zəhərlənmə ilə bağlı bir neçə hadisə qeydə alınıb.

Hüquq-mühafizə orqanları uzun müddət böyük miqdarda saxta spirtli içki istehsal edən bir neçə gizli sex aşkar ediblər. -03D-