“Bakı quşçuluq” Açıq Səhmdar Cəmiyyətinin bir neçə səhmdarı hüquqlarının pozulması ilə bağlı çümə axşamı RATİ-də mətbuat konfransı keçirib.
Xirdalanda yerləşən “Bakı quşçuluq” müəssisəsi 1998-ci ildə özəlləşdirilib. 2007-ci ilə kimi normal fəaliyyət göstərib.
Səhmdarlar bildiriblər ki, 2011-ci ilin sentyabrında müəssisənin ləğv edilməsi onlardan gizlin aparılıb. Müəssisənin 46 ha sahəsindən 16 ha-nın taleyi qeyri-müəyyən qalır. Belə ki, 2007-ci ldən sonrakı texniki pasportda müəssisənin sahəsi 30 ha göstərilir. Buna qədərki texniki pasportu ortaya çıxarmırlar. Müəssisənin əmlakı dəyər-dəyməzinə satılıb, səmdarlar dividentlərini ala bilmirlər. Müəssisənin 30 ha torpağı borclarını bağlaya bilmək adıyla sotu 3 min manatdan olmaqla “AAAF-İnşaat” MMC-yə satılıb. Bu şrikət Ağır Atletika Federasyasına aiddir. Federasiyanın prezidenti isə AZAL-ın başçısı Cahangir Əsgərovdur.
Səhmdarlar baş verən özbaşınalıqlara görə Dünyamin Xəlilov adlı adamı təqsirli bilir, onun arxasında isə Beynəlxalq Bankın rəhbəri Cahangir Hacıyevin durduğunu iddia edirlər. Həm də iddia edilir ki, müəssisənin torpaqları hələ ləğetmə komissiyası yaranana qədər satıllıb. Çünki ləğvetmə komisisyası hələ qərar verməmişdən 6-7 ay öncə həmin ərazilərdə tikinti işləri başlanıb. Bu da ki, ərazinin defakto satılmasının göstəricisidir.
Səhmdarlar qeyd edirlər ki, “AAAF-İnşaat” bu ərazidə “şəhər-kompleks” salmaq niyyətindədir. Səmdarlar həmin ərazidə torpaq almaq üçün müraciət etdikdə sotu 15 min manata təklif olunur. Onların səhmlərinə 10 manat qiymət qoyulub. Səhmdarlar səhmlərinin dəyərinin bir sot torpaq almağa belə çatmadığını qeyd ediblər.
Səhmdarlar qeyd ediblər ki, bu barədə Sumqayıt Apellyasiya Məhkəməsinin müəssisənin ləğv olunmasına dair qərarını təqribən iki həftə öncə əldə etdikdən sonra öyrəniblər. Ləğv olunmanın qanunsuz aparılması ilə bağlı hazırda Ali Məhkəməyə kassasiya şikayəti hazırlanır. Səhmdarlar Avropa Məhkəməsinə qədər işi aparmaqla haqlarının bərpa olunması uğrunda mübariəzini davam etdirəcəklərini bildiriblər.-05C-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz