Serj Sarkisyan prezident seçkiləri ərəfəsində ətrafı rəqiblərindən təmizləyir
Yerevan/11.10.12/Turan-Armİnfo: Oktyabrın 10-da axşam Ermənistan prezident Serj Sarkisyanla Çiçəklənən Ermənistan Partiyasının (ÇEP) lideri Qagik Sarukyanın görüşü olub.
“Aykakan Jamanak” qəzetinin yazdığına görə, görüşün özü kimi nəticəsi də gizli saxlanılır. Lakin bundan əvvəl KİV bildirib ki, Sarkisyan Sarukyana fikirləşmək üçün bir həftə vaxt verib. Bundan sonra sonuncu qərara almalıdır ki, prezident seçkilərində Sarkisyanın namizədliyini dəstəkləsin ya yox. Bazar ertəsi bu müddət bitib və bundan sonra sözügedən görüş keçirilib.
“Aykakan Jamanak” bildirib ki, bu günlərdə Nijni Tagilə (vaxtilə Sarukyan zorlamaya görə orada həbsdə olub) çəkiliş qrupu göndərilib. Qrup ÇEP liderinin “həbsxana həyatı” haqda sənədli film çəkib. Filmdə Sarukyanın işinə dair sənədlərdən istifadə olunub. Nəşr qeyd edir ki, filmin surəti “qəşəng bağlamada” Sarukyana göndərilib ki, “qərar qəbul etməsinə yardım göstərsin”.
Qeyd edək ki, Çiçəklənən Ermənistan Partiyasının arxasında eks-prezident Robert Köçəryan durur ki, o da hakimiyyətə qayıtmaq niyyətindədir. Öncə bu partiyaya keçmiş xarici işlər naziri Vardan Oskanyan da qoşulub. Lakin tezliklə ona qarşı cinayət işi qaldırılıb və deputat toxunulmazlığından məhrum edilib. Köçəryan Oskanyanın təqib olunmasını kəskin şəkildə pisləyib.
Bəzi ekspertlərin fikrincə, Moskva Sarukyan-Köçəryan koalisiyasını dəstəkləyir. Belə ki, Moskva hakimiyyətin dəyişməsini istəyir, çünki hesab edir ki, Ermənistanın hazırkı prezidenti olduqca müstəqildir və Moskva onun qərbə meyllənmək cəhdlərindən razı deyil. -02B-
-
- Cəmiyyət
- 11 Oktyabr 2012 14:00
-
- İqtisadiyyat
- 11 Oktyabr 2012 16:00
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz