2013-cü ildə hökumət 46 mln ton neft hasilatı proqnozlaşdırır

Nazirlər Kabinetinə təqdim edilən 2013-cü ilin dövlət büdcəsi layihəsinə əsasən, gələn il neft və kondensat hasilatı proqnozu 46 mln tondur. 

ARDNŞ tərəfindən (quruda neft çıxaran MM və əməliyyat şirkətləri də daxil) 8 mln ton, “Şahdəniz” layihəsi çərçivəsində 2 mln ton kondensat, “Azəri-Çıraq-Günəşli” layihəsi iştirakçıları tərəfindən 36 mln ton neft (hər ikisinin operatoru BP-dir) hasil edilməlidir.

Qeyd edək ki, bir il əvvəl hökumət proqnozlaşdırırdı ki, 2012-ci ildə 45,9 mln ton neft və kondensat çıxarılacaq. Amma ilin I yarısında hasilat 22,2 mln tona azalıb,  II yarımildə azalma davam edib, oktyabrda əsas neft hasilatçısı Azərbaycan Beynəlxalq Əməliyyat Şirkəti (AIOC) “Dərinsulu Günəşli”də hasilatı bir aylığa tam dayandırıb. Nəticədə, yəqin ki, bu il neft hasilatı 43,3-43,5 mln ton olacaq. 

Beləliklə, Azərbaycan hökumətinin proqnozunda 7-10% yanlış normaya çevrilir. 

Azərbaycan prezidenti İlham Əliyevin dünən hökumətin iclasında ВР-ni tənqid edərək 2008-ci ildən neft hasilatını azaltmaqda ittiham edib.  "Konsorsiumun çoxsaylı səhvləri ucbatından son illər “Azəri” və “Çıraq” yataqlarında neft hasilatı kəskin azalıb", - deyə Nazirlər Kabinetinin 2012-ci ilin 9 ayının yekunlarına həsr edilmiş iclasında Azərbaycan prezidenti İlham Əliyev bildirib. 

2012-ci ilin yanvar-sentyabrında Azərbaycanda 32,746 mln ton xam neft çıxarılıb. Bu, 2011-ci ilin 9 ayındakından 7,8% azdır. --12В--