ABŞ-da yerləşən Crude Accountability qeyri-hökumət təşkilatı “BTC neft kəməri işə salındıqdan sonra altı il: Azərbaycanda çiçəklənmə və şəffaflıq məhdudlaşdırılıb” adlı sənəd dərc edib.
Sənəd Azərbaycanda neft-qaz yataqlarının işlənməsinin nəticələrinin öyrənilməsinə, onların ətraf mühitə, vətəndaş cəmiyyəti və şəffaflığa
təsirinə həsr olunub. Sənəd müəllifləri belə hesab edirlər ki, şəffaflıq, resursların ədalətli istifadə olunması və vətəndaş cəmiyyətinin təhlükəsizliyi məsələsində böyük problemlər var.
“Avropanın Rusiya neft-qazına alternativ tapmaq istəyinə baxmayaraq, qərb şirkətləri və beynəlxalq maliyyə institutları Azərbaycan hökumətini şəffaflığı artırmağa, korrupsiya və repressiyadan uzaqlaşmağa sövq etməlidir. Mühüm addımlar atılıb, lakin Avropa standartlarına uyğun olmaq üçün vətəndaş cəmiyyətinin təhlükəsizliyinin təminatı, hökumətin hesabatlılığının artırılması üçün çox işlər görülməlidir”, - hesabatın müəllifi Sara Bedi bildirib.
Azərbaycanın neft-qaz sənayesinin payına illik ÜDM-in 47% və ixracın 90%-i düşür. Lakin əhalinin yalnız 1,8 %-i neft-qaz sənayesi sahəsində çalışır. Bu sahələrdə çalışanlar digər sektorlarda çalışanlardan üç dəfə çox əmək haqqı alır.
BP şirkətinin Azərbaycanda investisiyaları 30 milyard dollardan çox təşkil edir və şirkət dünyada çıxarılan neft və qazın üçdə bir hissəsini burada çıxarır.
Norveçin “Statoil” şirkəti Azərbaycanda ikinci böyük qərb investorudur.
Exxon, Chevron kimi qərb şirkətləri də ölkəyə mühüm töhfələr verirlər.
Azərbaycan Sənaye Sahələrində Şəffaflıq Təşəbbüsünün (EITI) üzvü olsa da vətəndaş cəmiyyəti fəallarının neft-qaz üzrə informasiyaya tam çıxışı yoxdur.
Sənəd Azərbaycanın vətəndaş cəmiyyəti, neft şirkətləri və vəzifəli şəxsləri ilə çoxsaylı müsahibələrin nəticəsidir.
Qeyri-hökumət sektoru və jurnalistlər hakimiyyətim daim təzyiqləri altındadır, onlar müntəzəm olaraq təqiblərə məruz qalırlar.
*Crude Accountability Xəzər dənizi hövzəsində təbii mühitin mühafizəsi və təbii resursların ədalətli bölgüsü üçün yerli fəallarla və vətəndaş qrupları ilə iş aparır. -25D-
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz