Açiq mənbələrdən foto.
Bakı/04.10.22/Turan: Şəki rayonunun Cəfərabad tam orta məktəbin müəllimlərinin oktyabrın 4-də dərsləri boykot etdikləri deyilir. Həmin məktəbdə dərs alan şagirdlərin valideynləri də müəllimlərin boykotunu müdafiə edir.
Valideynlərdən biri Turana bildirib ki, boykotun səbəbi məktəbin direktoru Rahim Salamovun qanunsuz hərəkətləri ilə bağlıdır.
"Rahim Salamov müəllimlərə az dərs saatları verir. Daha çox dərs saatlarını isə maddi maraq müqabilində yazdığı deyilir."
Şikayətçi deyir ki, bu səbəbdən müəllimlər dərsi normal keçmir.
"Bəzi valideynlər buna görə uşaqlarını "dörd yol" deyilən yerdə yerləşən məktəbə verməyə məcbur olub. Bu da əlavə yol pulu və xərc deməkdir. Üstəlik də məktəb uzaqdadır deyə valideynlər uşaqlarından narahat qalır. Kənddə məktəb varkən biz niyə uşaqları başqa məktəbə göndərməliyik?"
Valideyn deyir ki, ötən tədris ilin sonunda məktəbin direktoru Rahim Salamov məktəbdən uzaqlaşdırılıb.
"Bu tədris ilinin əvvəlində deyilib ki, direktoru əvəz edən olacaq. Amma oktyabrın 3-də Rahim Salamov yenə məktəbə gəlib deyib ki, direktor mənəm. Biz bunun direktor olmasını istəmirik," şikayətçi qeyd edib.
Elm və Təhsil Nazirliyinin Şəki-Zaqatala Regional Təhsil İdarəsinin rəhbəri Mahal Məmmədov Turana bildirilib ki, məsələ ilə bağlı araşdırma aparılır və ictimaiyyətlə əlavə məlumat veriləcək.
Rahim Salamov isə Turana məsələ ilə bağlı açıqlama vermək istəməyib.-0-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz