Bu gün Şərur rayon sakini Azər Quliyev polis əməkdaşları tərəfindən həbs olunub. Belə ki, o, Yol Polisi əməkdaşlarının pul alması ilə bağlı yerli jurnalistə şikayət edib. Bu barədə Turan-a Reportyorların Azadlıq və Təhlükəsizlik İnstitutunun (RATİ) regional şöbəsindən verilib.
A.Quliyev öz şikayətində göstərib ki, Şərur Yol Polisinin rəisi Bayram Səfərov ondan rüşvət alır. Pul verməkdən imtina etdikdən sonra A.Quliyevin maşını “cərimə meydançası”na aparılıb. Ondan 120 manat ödəmək tələb olunur və yalnız 50 manat rəsmi cərimə kimi sənədləşdirilir.
Bu yaxınlarda polis həmin maşını bir ay yarım müddətə həbs etmişdi. A.Quliyev 500 manat ödədikdən sonra maşını qaytarıblar.
Onun dediklərinə görə, Şərurda “cərimə meydançası”nda 60 maşın saxlanılır. Onların hər birindən 200 manat tələb olunur.
A.Quliyev qeyd edib ki, yerli sürücülərə avtomobildən taksi kimi istifadə etməyə imkan verilmir, onları Yol Polisindən xüsusi “göy” nömrələr almağa məcbur edirlər.
Lakin belə nömrəyə görə 10 min manat ödəmək lazımdır. Əks halda, sürücüləri hər ay 200 manat verməyə məcbur edirlər.
Bu gün A.Quliyev jurnalistlərə zəng edərək bildirib ki, onu saxlayaraq Şərur polis bölməsinə aparıblar və inzibati cəzaya məhkum etmək istəyirlər.
Bundan sonra onunla telefon əlaqəsi kəsilib. Qohumları bildiriblər ki, Şərur polisinə təcili yardım maşını gəlib və çox güman ki, A.Quliyevi döyüblər. Şərur polisinin növbətçi hissəsindən Turan-a bildirilib ki, A.Quliyev Yol Polisi bölməsindədir və onunla “söhbət aparılır”.—06B03-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz