Şeyxülislam amerikalı diplomatlarla görüşüb
Qafqaz Müsəlmanları İdarəsinin (QMİ) sədri şeyxülislam Allahşükür Paşazadə ABŞ Dövlət Departamentinin Demokratiya, İnsan Haqları və Əmək Bürosunun Beynəlxalq Dini Etiqad Azadlığı ofisinin nümayəndələri Daniel Nadel və xanım Steysi Bernard Deyvisi bu günlərdə qəbul edib.
Görüşdə iki ölkə arasında ikitərəfli əlaqələr, dini tolerantlıq məsələləri, Yaxın Şərqdə baş verən hadisələr, təhlükəli meyllər və onların qarşısının alınması ətrafında fikir mübadiləsi aparılıb.
A.Paşazadə bu yaxınlarda Nyu-Yorkda “Vicdana Çağırış” Fondunun tədbirində iştirakı, keçirdiyi görüşlər barədə məlumat verib. QMİ sədri Azərbaycanda dini sahədə sabitliyin olduğunu, dinlərarası və dinlərdaxili müstəvidə ehtiramlı münasibətin yaşandığını söyləyib.
A.Paşazadə Qarabağ münaqişəsinə də toxunub, Azərbaycanın bu problemi sülh yolu ilə həllinə tərəfdar olduğunu vurğulayıb. QMİ sədri Azərbaycanın işğal olunmuş ərazilərində ermənilər tərəfindən tarixi, dini, mədəni abidələrin məhv edildiyini deyib.
Görüşdə iştirak edən ABŞ-ın Azərbaycandakı səfiri Robert Sekuta ölkədə dini tolerantlığın yüksək səviyyədə olduğunu təsdiqləyib. Səfir Azərbaycanda tolerantlıq ənənələrinin tarixi köklərinin olduğunu nəzərə çatdırıb.
Daniel Nadel, xanım Steysi Bernard Deyvis təmsil etdikləri qurumun fəaliyyəti barədə məlumat verib, bu səfərin əhəmiyyətli olacağını söyləyiblər. Qonaqlar səfər zamanı Azərbaycandakı tolerantlıq təcrübəsini öyrənmək niyyətində olduqlarını da deyiblər. ABŞ-ın hər zaman dialoq və qarşılıqlı əməkdaşlıq tərəfdarı kimi çıxış etdiyini deyən qonaqlar bu səfərin də iki ölkə arasında əlaqələrin inkişafına öz töhfəsini verəcəyini bəyan ediblər.
Görüşün sonunda QMİ sədri qonaqlara xatirə hədiyyələri təqdim edib.-05D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz