Siyasət xəbərləri

• Erdoğan Ukraynaya gedir
• Buzovnada su maxinasiyaları (3)
• Prokurorluq həmkarlar ittifaqları xadimlərinin "Məhsul" stadionunun satışı ilə bağlı fırıldaqlarını araşdırır
• Türkiyənin Dənizli şəhərinin rayonlarından birinə erməni icra başçısı təyin olunub
• Koronavirusa yoluxanların sayı yenidən kəskin şəkildə artıb

Erdoğan Ukraynaya gedir

Bakı/17.08.22/Turan: Türkiyə prezidenti Recep Tayyip Erdoğan avqustun 18-də Ukrayna prezidenti Vladimir Zelenskinin dəvəti ilə Lvova bir günlük işgüzar səfərə gedəcək.

Erdoğanın mətbuat xidmətinin məlumatına görə, o, Zelenski ilə görüşdə Türkiyə-Ukrayna strateji tərəfdaşlığının aspektlərini müzakirə edəcək.

Səfər zamanı həmçinin Erdoğan, Zelenski və BMT Baş Katibi Antoniu Qutterişin iştirakı ilə üçtərəfli görüşün keçirilməsi nəzərdə tutulur. Tərəflər Ukraynada müharibənin başa çatması və Ukrayna taxılının dünya bazarlarına ixracı mexanizmlərinə dəstək addımlarını müzakirə edəcəklər. 02D

Buzovnada su maxinasiyaları (3)

Bakı/12.08.22/Turan: Buzovna qəsəbəsində su maxinasiyaları haqqında iş dayanıb və bir addım belə irəliləmir.

Turan-a Azərsu ASC su şirkətinin və polisin göz yumması nəticəsində dələduz tərəfindən aldadılan vətəndaşlardan yeni müraciət daxil olub. 

Təkcə bizim əldə etdiyimiz məlumatlara əsasən, dələduz beş nəfərə su təchizatı sisteminə qoşmağı vəd edərək, onlardan 5400 manat alıb. Onlar sistemə qoşulub, evlərə su da gedib, amma tezliklə Azərsu-nun qonşuluqdakı abunələrinin etirazı nəticəsində qanunsuz qoşulmalar ləğv edilib. Bu zaman Azərsu-nun və polisin göz yumması ilə 4 dəfə sistemə qanunsuz qoşulmağa cəhd olunub.   

Bu zaman polis aldadılmış vətəndaşların və Azərsu-nun onlara müraciət etməsi faktını inkar edib. Polis də, Azərsu da vasitəçinin adını gizlədib.

Şikayətçilər suya qoşulmaq üçün pul köçürdükləri kredit kartının fotoşəklini bizə təqdim ediblər. Bu, Kapital Bank-ın Razu Cəfərovun adına olan kartıdır.

Həmçinin, məlum olub ki, ən az üç nəfərin şikayəti iyunun 26-da Xəzər rayon 2-ci polis bölməsinə daxil olub və indiyədək oradadır.--0--

Prokurorluq həmkarlar ittifaqları xadimlərinin "Məhsul" stadionunun satışı ilə bağlı fırıldaqlarını araşdırır

Bakı/17.08.22/Turan: Azərbaycan Həmkarlar İttifaqlarının İdman Təşkilatları Assosiasiyasının sədri Nadir Əliyev və "Yasamal" idman-sağlamlıq klubunun direktoru Alik Həsənovun həmin klubun istifadəsində olan keçmiş "Məhsul stadionu" adlanan ərazinin satışı adı altında sahibkarlara məxsus pul vəsaitlərini ələ keçirmələri barədə daxil olmuş məlumat əsasında Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə cinayət işi başlanıb.

Baş Prokurorluğun məlumatına görə, istintaqla Nadir Əliyevin Alik Həsənovla qabaqcadan əlbir olaraq Bakı şəhəri, Yasamal rayonu, Həsən bəy Zərdabi prospekti 69D ünvanında 1,26 hektar torpaq sahəsində yerləşən sözügedən stadion ərazisini guya həmin yerdə hündürmərtəbəli binanın inşa edilməsi məqsədi ilə 5 milyon 500 min manata sata biləcəklərini ayrı-ayrı sahibkarlara bildirmələrinə, həmin məsələnin həlli üçün əvvəlcə beh verilməsi, habelə Konfederasiyanın rəhbər vəzifəli şəxslərinə rüşvət qismində çatdırılması adı ilə sahibkarladan cəmi 900 min manat məbləğində pul vəsaitini aldatma yolu ilə ələ keçirmələrinə əsaslı şübhələr müəyyən edilib.

Bundan başqa, istintaq zamanı Alik Həsənovun həmin vəzifədə işləyərkən eyni üsul və məqsədlə direktoru olduğu stadionun ərazisini digər sahibkara 8 milyon manata sata biləcəyini bildirməsinə, bunun üçün aidiyyəti vəzifəli şəxslərə rüşvət verilməsi və müvafiq sənədləşdirmənin aparılması adı ilə sahibkara məxsus 360 min manat məbləğində pul vəsaitini təkrarən ələ keçirməsinə də əsaslı şübhələr müəyyənləşdirilib.

Qeyd edilən hallarla bağlı toplanmış ilkin sübutlar əsasında Nadir Əliyev və Alik Həsənova müvafiq olaraq Cinayət Məcəlləsinin 178.4 (xüsusilə külli miqdarda ziyan vurmaqla dələduzluq) və 32.4, 312.1 (rüşvət verməyə təhrik etmə) və 32.4, 312.2-ci (rüşvət verməyə təkrarən təhrik etmə) maddələri ilə ittiham elan edilərək, barələrində məhkəmənin qərarı ilə həbs qətimkan tədbiri seçilib.

Hazırda cinayət işi üzrə ibtidai istintaq davam etdirlir. 06В

Türkiyənin Dənizli şəhərinin rayonlarından birinə erməni icra başçısı təyin olunub

Bakı/17.08.22/Turan: Erməni əsilli Türkiyə vətəndaşı Berk Acar dünən Dənizli şəhərinin Babadağ rayonunun icra başçısı təyin edilib. 27 yaşlı Berk Acar müasir Türkiyədə bu vəzifəyə təyin olunan ilk ermənidir, xəbəri Türkiyə KİV-ləri yayıb.

Berk Acar 1995-ci ildə İstanbulda anadan olub. Saakyan Nunyan adına özəl erməni orta məktəbini bitirib. 2020-ci ildə Bilgi Universitetinin hüquq fakultəsini bitirib. Şişlidə hüquq stajı keçib.

2021-ci ildə o, Ankarada yazılı imtahan verərək 13 374 namizəd arasında 72-ci yeri tutub. Müsahibə mərhələsinə 475 nəfər dəvət olunub. Berk Acar dövlət vəzifəsində işləmək hüququ qazananlar arasında olub.

Yaxın günlərdə gənc icra başçısının rayona gələcəyi və öhdəliklərinin icrasına başlayacağı gözlənilir.

Türkiyədə ölkə vətəndaşı olan 70 minə yaxın etnik erməni yaşayır. Bundan əlavə, Türkiyədə 40 minə yaxın Ermənistan vətəndaşı yaşayır və işləyir. -02B-

Koronavirusa yoluxanların sayı yenidən kəskin şəkildə artıb

Bakı/17.08.22/Turan: Ötən gün Azərbaycanda koronavirus infeksiyasına 710 yeni yoluxma hadisəsi qeydə alınıb. 503 nəfər sağalıb, vəfat edən olmayıb, bu barədə avqustun 17-də Nazirlər Kabineti yanında Operativ Qərargah məlumat verib.

Əvvəlki günlə müqayisədə xəstəliyə yoluxanların sayı təxminən 20% artıb. Aktiv xəstə sayı 3 427 nəfər təşkil edir. 

Gün ərzində 4852 test icra olunub. 0