Ruslan İzzətli
Bakı/29.07.22/Turan: İyulun 28-də siyasi fəal Ruslan İzzətli Baş Prokurorluğa çağırılaraq hərbiçilərin problemləri ilə bağlı yazdığına görə xəbərdarlıq edilib.
Ruslan İzzətli Turan-a bildirib ki, Baş Prokurorluğa çağırılmasının əsas səbəbi kimi iyunun 26-da facebook səhifəsində hərbiçilər və müharibə iştirakçılarının problemləri haqda yazdığı status göstərilib. Ona şifahi xəbərdarlıq edilib.
İzzətlinin fikrinncə, Baş Brokurorluğun xəbərdarlığı ifadə azadlığını pozur.
"Baş Prokurorluq bu xəbərdarlıqlarla sanki ölkədə senzuranı bərpa edir. Bu, birbaşa siysi təzyiqdir", deyə o bildirib.
Baş Prokurorluq Ruslan İzzətliyə xəbərdarlıq edilməsi barədə məlumat yaymayıb.
Baş Prokurorluq iyulun 27-də də sosial şəbəkələrdə orduda baş verən hadisələrlə bağlı paylaşım edən bir sıra şəxslərə xəbərdarlıq edib.
Hərbi bloger kimi tanınan Tofiq Şahmuradov isə ordu ilə bağlı yazılarına görə inzibati qaydada bir ay müddətinə həbs olunub.
Ruslan İzzətli 2013-2021-ci illərdə "D18" Hərəkatına rəhbərlik edib.
2021-ci ildə təşkilatın konfransında o, üçüncü dəfə sədrliyə namizəd olmayıb. Hazırda özünü müstəqil siyasətçi kimi təqdim edir. 03B06
Cəmiyyət
-
Ötən həftə ərzində hüquq müdafiəçisi Rüfət Səfərov, MeydanTV internet televiziyası ilə əməkdaşlıq edən altı jurnalist və onların bəzi yaxınları həbs olundular. Üstəlik, siyasi şərhçi Azər Qasımlı da saxlandı. O, hədə-qorxu ilə tələb etmədə, qalanları isə qaçaqmalçılıqda şübhəli sayılır.
-
Lahıcda Vətəndaş A filminin çəkilişləri zamanı İctimai Televiziyanın çəkiliş qrupuna məxsus dron qəzaya uğrayıb. Əvvəlcə filmin operatoru dronun Azərbaycan sərhədçiləri tərəfindən vurulduğunu iddia etsə də, prodüser bu açıqlamanı təkzib edərək dronun onun səhvi ucbatından qayaya çırpıldığını bildirib.
-
Dekabrın 10-da tutqun hava şəraiti davam edəcək. Gecə yağış yağa bilər. Şimal-şərq küləyi gündüz cənub-şərq küləyinə keçəcək. Havanın temperaturu gecə müsbət 5 +7, gündüz müsbət 7 + 10 dərəcə olacaq. Rütubət 60-70 faiz olacaq.
-
Lider mobil operator milli mətbuat nümayəndələrinin peşəkar bacarıqlarının artırılmasına yönəlmiş növbəti təşəbbüsünü həyata keçirir 6 dekabr rabitə və informasiya texnologiyaları işçilərinin peşə bayramında lider mobil operator jurnalistlərin rəqəmsal savadlılığının artırılmasına yönəlmiş xüsusi təlim təşkil etdi. Beynəlxalq təlim şirkəti tərəfindən keçirilən kurs çərçivəsində media nümayəndələrinə ən yeni media tendensiyalar və qabaqcıl texnologiyalar barədə geniş məlumat təqdim edildi.
Rəy yaz