![Antony Blinken and Sergey Lavrov](https://turan.az/resized/media/2022/main/073000048980-750-500-resize.webp)
Antony Blinken and Sergey Lavrov
Blinken və Lavrov fevraldan etibarən ilk dəfə "açıq" müzakirələr aparıblar
Vaşinqton/30.07.22/Turan: ABŞ dövlət katibi Entoni Blinken cümə günü Rusiya XİN başçısı Sergey Lavrovla telefonla danışıb. 25 dəqiqə çəkən söhbət Ukraynaya qarşı təcavüzün başlamasından sonra ilk telefon söhbəti olub.
"Kremlin bizim Pol Uilan və Britni Qrinerin azad edilməsi haqqında təklifimizi qəbul etməsində israr etdim", deyə Blinken jurnalistlərə bildirib, amma Moskvanın bu təklifi qəbul etdiyindən əmin olmadığını deyib.
Ukraynaya gəlincə, Vaşinqton Rusiyanın Ukraynaya qarşı təcavüzə son qoymaq "istəyini" görmür.
Dövlət katibi həmçinin Moskva şərqi və cənubi Ukraynanın ilhaqı planlarını həyata keçirməyə davam edəcəyi təqdirdə bunun nəticələri haqqında Lavrova xəbərdarlıq etdiyini bildirib.
Blinkenin Lavrovla söhbət etdiyi gün Bayden administrasiyası Rusiyayönlü təbliğatın aparılmasına və ABŞ-dakı seçkilərə müdaxiləyə görə Rusiyanın fiziki və hüquqi şəxslərinə qarşı əlavə sanksiyalar tətbiq edib.
"Bu fiziki və hüquqi şəxslər Birləşmiş Ştatları, onun müttəfiqlərini və tərəfdaşlarını, o cümlədən Ukraynanı manipulyasiya etmək və sabitliyi pozmaq cəhdlərində iştirak ediblər", deyə ABŞ Maliyyə Nazirliyinin bəyanatında bildirilir.
Öz növbəsində, Ağ Ev cümə günü Ukrayna üçün növbəti - 17-ci hərbi yardım paketinin hazırlandığı barədə məlumat verib. Bu barədə jurnalistlərə Milli Təhlükəsizlik Şurasının nümayəndəsi Con Kibri bildirib. 0
-
- Cəmiyyət
- 30 İyul 2022 11:47
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz