![Açiq mənbələrdən foto.](https://turan.az/resized/media/2022/main/073000048979-750-500-resize.webp)
Açiq mənbələrdən foto.
Sanksiyaların nəticələri və Ukraynaya hərbi yardım haqqında Pentaqonun şərhi
Vaşinqton/30.07.22/Turan: ABŞ və müttəfiqlərinin Moskvaya qarşı ixrac sanksiyaları təsirini göstərməyə başlayır, bu barədə cümə günü jurnalistlərə ABŞ Müdafiə Nazirliyinin yüksək vəzifəli məmuru bildirib.
Rusiyanın ən böyük dövlət şirkətləri bazar kapitallaşmasının 70-90%-ni itirib. 1000-ə yaxın transmilli şirkət Rusiyada fəaliyyətini dayandırıb. Rusiyada inflyasiya 20%-ə qədər artır. Rusiyanın fond bazarı dəyərinin üçdə birini itirib.
"Bu, yalnız sanksiyaların təsirinin başlanğıcıdır", deyə məmur qeyd edib, xəbəri Turan-ın Vaşinqtondakı müxbiri verib.
Pentaqonun qiymətləndirmələrinə görə, Rusiya döyüş meydanında "uğursuzluğa düçar olur" və öz ölkəsində daxili uğursuzluqlar yaşayır.
Ukraynanın şərqində və cənubunda döyüş əməliyyatları davam etdirilir, burada ruslar yavaş-yavaş irəliləyir, bəzi yerlərdə, məsələn, Hersonda tamamilə dayanıblar. Eyni zamanda, ukraynalılar Rusiyanın idarəetmə və nəzarət qovşaqlarını daha effektiv şəkildə aşkar və məhv edir, deyə məmur bildirib.
"Rusiya Ukrayna əhalisini təhdid etsə də, ukraynalılar cəsarətlə irəliləyirlər. Onlar bizim təqdim etdiyimiz 8,2 milyard dollarlıq avadanlıqdan çox səmərəli istifadə edirlər", deyə məmur bildirib.
Kiyevin hərbi dəstəyinə gəlincə, Pentaqon zəruri maddi ehtiyatların, o cümlədən döyüş sursatlarının tədarükünü təmin etmək üçün Ukraynanın Müdafiə Nazirliyi ilə məsləhətləşmələr aparır və təhlükəsizlik sahəsində bu tələbatı qarşılayacaq daha bir yardım paketi hazırlayır, deyə məmur qeyd edib. 0
-
- Cəmiyyət
- 29 İyul 2022 18:10
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz