Açiq mənbələrdən foto.
Bakı/09.06.20/Turan: Azərbaycanın ictimai təşkilatları iyunun 8-də Yasamal rayonunda bina sakinlərinin saxlanması zamanı polisin vətəndaşlara qarşı törətdiyi vəhşiliyi pisləyiblər.
Siyasi Məhbusların Monitorinq Mərkəzinin (SMMM) bəyanatında DİN-in çevik polis alayı əməkdaşlarının qeyri-mütənasib güc tətbiq etməsi, saxlanılanların döyülməsi, onlarla alçaldıcı rəftar edilməsi pislənilir. SMMM bu hərəkətləri “vətəndaşlara qarşı cinayət” kimi qiymətləndirir.
“Polis haqqında qanuna uyğun olaraq polis əməkdaşları başa, xüsusən də müqavimət göstərməyən insanın başına zərbə vurmağa ixtiyarı yoxdur”, - SMMM-nin rəhbəri Elşən Həsənov qey edib.
“Biz, keçmiş siyasi məhbuslar polislərin özbaşınalığına və cinayətkar zorakılığın tətbiqinə qəti şəkildə etiraz edirik. Ümumdünya İnsan Hüquqları Bəyannaməsinə, Azərbaycanın Konstitusiyasına hörmət etməyi tələb edirik. Bu qeyri-qanuni hərəkətlərə görə məsuliyyət DİN rəhbərliyinin üzərinə düşür", - SMMM-nin bəyanatında bildirilir.
“İyunun 6-7-də tədbiq edilmiş sərt komendant rejiminin nümayişkaranə şəkildə polis zorakılığı ilə müşaiyəti minlərlə digər vətəndaşlarımız kimi bizi də narahat edib”, - Azərbaycan Talışların İctimai Şurasının (ATİŞ) bəyanatında deyilir.
Təəssüf hissi ilə bildiririk ki, güc strukturları tərəfindən insanlara qarşı tədbiq edilmiş zorakılıq və işgəncələr, yaşayış evlərinə və mənzillərinə vəhşicəsinə basqılar, polis xidməti avtomobillərinin iki gün ərzində gücləndirici səs qurğuları ilə fasiləsiz “profolaktik” xəbərdarlıqları və digər bu kimi hallar açıq-aşkar şəkildə qanun və hüquq pozuntuları olmaqla yanaşı, həm də əhalinin dinc və asudə yaşamını, rahatlıq və asayişini pozmaq, insanlar arasında qorxu və vahimə yaratmaq məqsədini daşıyıb.
Məhz bu səbəblərdən, mövcud pandemiya ilə mübarizə daha acı fəsadlarla nəticələnərək yüz minlərlə insanların fiziki, mənəvi, psixoloji, sosial və s. durumunu daha da ağırlaşdırıb və bununla da xalqın hakimiyyətə, o cümlədən güc strukturlarına qarşı inamsızlığını daha da artırıb.
ATİŞ dinc əhaliyə qarşı yönəldilmiş bu növ qanundan kənar əməlləri qətiyyətlə pisləyir və günahkarların dərhal cəzalandırılmasını tələb edir.—06D-
Cəmiyyət
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
Rəy yaz