Bakı/09.06.20/Turan: İyunun 7-də Yasamal rayonunda polis əməkdaşlarının üzərinə məişət əşyaları atan sakinlər saxlanılarkən çəkilmiş video görüntülər araşdırılıb. Müəyyən edilib ki, polis əməkdaşlardan biri “qadının və onun həyat yoldaşının ünvanına yersiz ifadələr işlədib. Bu, yolverilməz hərəkət kimi qiymətləndirilib. Bu barədə DİN mətbuat xidmətinin məlumatında bildirilir.
DİN rəhbərliyi həmin polis əməkdaşını işdən azad edib və barəsində xidməti yoxlama aparılmasına dair qərar qəbul edib.
Təhqir edilmiş qadına gəlincə, o, Bakı Şəhər Baş Polis İdarəsinə dəvət olunub və ondan üzr istənilib, məlumatda deyilir.
Lakin DİN qalmaqallı videoçəkilişi polislərin özlərinin etdiklərini söyləməyə utanır. Həmin çəkilişlərdə eşidilir ki, polislərdən biri digərinə deyir: “4-cü mərtəbədən bizi çəkən qadını götürdünüz?” Bu, sadəcə, qeyri-etik davranışdan yox, birbaşa polis tərəfindən qanunun pozulmasından xəbər verir.
Xatırladaq ki, sosial şəbəkələrdə ölkə ictimaiyyətinin narazılığına səbəb olan kadrlarda polis əməkdaşı qadını təhqir edərək ona bir neçə dəfə “sən dovşansan, dovşan və sənin ərin də dovşandır” deyib.
Bloqer Həbib Müntəzirin məlumatına görə, sözügedən polis əməkdaşı İlahiyyat Universitetinin məzunu Yusif Bəbiroğludur (1987-ci ildə anadan olub).—06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz