STP tarixi abidələrin sökülməsini dərhal dayandırılmağa çağırı

  Sənbə günü  Sivil Toplum Platformasının növbəti toplantısı keçirilib.

Toplantıda son günlər cəmiyyəti ciddi şəkildə narahat edən  Bakı Şəhərindəki qanuni qoruma altında olan bir çox tarixi abidənin tarixə qəsd edərcəsinə qanunsuz şəkildə  qoruma altından çıxarılaraq sökülməsi, dağıdılması  məsələsi geniş müzakirə edilmiş və Nazirlər Kabinetinin, Mədəniyyət və Turizm Nazirliyinin  habelə,  Bakı Şəhər İcra Hakimiyyətinin Azərbaycan tarixinə və Mədəniyyətinə qarşı atdıqları bu addımdan  duyulan ciddi narahatçılıq qeyd edilmiş və bu söküntülərin dərhal  dayandırılması zəruriliyi vurğulanmışdır.

Toplantıda Azərbaycan hökumətinin  1985-ci il oktyabrın 3-də Qranada şəhərində imzalanmış  "Avropanın memarlıq irsinin qorunması haqqında"  Konvesiyanı  26 noyabr 2009-cu il tarixində  Milli Məclis səviyyəsində Qanunla ratifikasiya etdiyi və bu sənədlərə ciddi  əməl etməli olduğu bildirilmişdır.

Sivil Toplum Platformasının müzakirəyə çıxardığı digər bir məsələ, ölkədə vətəndaş cəmiyyəti institutlarının, xüsusilə QHT-lərin normal fəaliyyətini təmin edəcək qanunvericilik islahatlarının  və praktik addımların atılmamasından doğan narahatçılıq müzakirə edilmiş,  İyun ayının sonunadək bu istiqamətdə daha ətraflı bir araşdırmanın aparılması, mövcud vəziyyətin qiymətləndirilərək, təkliflərin cəmiyyətə təqdim edilməsi məqsədi ilə  dəyirmi masa müzakirələrinin keçirilməsi üzərində durulmuşdur.