Bakı/21.09.19/Turan: Sumqayıt şəhəri 2-ci mikrorayon sakinlərindən ibarət bir qrup cümə günü etiraz aksiyası keçirib. Sakinlər çoxmənzilli evlərin damlarının təmirinin yubadılmasına etiraz edirlər.
"İki ay öncə binanın şifer damını sökdülər və qısa müddətdə yeni material ilə əvəzlənəcəyini vəd etdilər. Lakin indiyədək heç bir iş görülməyib. Bunda sonra üç dəfə yağış yağıb, mənzilləri su basıb", - etirazçılardan biri bildirib.
Sakinlər Sumqayıt Mənzil-Kommunal İdarəsinə və İcra Hakimiyyətinə müraciət ediblər. Orada da vəd ediblər ki, məsələ həll olunacaq,
"Mənzil-Kommunal İdarəsində bizə dedilər ki, damların təmirinə ayrılan pulları "yeyiblər". Niyə biz əziyyət çəkməliyik? Kim damın sökülməsinə göstəriş veribsə, o da gəlsin düzəltsin", - digər aksiya iştirakçısı deyib.
Aksiya yerinə polis qüvvələri cəlb edilib. Lakin onlar yerli sakinlərin etirazına müdaxilə etməyiblər.
Sumqayıt administrasiyasından şərh almaq mümkün olmayıb.
Son ildə prezident İlham Əliyev Azərbaycanın şəhər və rayonlarında, o cümlədən Sumqayıtda damların təmirinə vəsait ayrılması barədə bir sıra sərəncam imzalayıb. -21D--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz