Sumqayıtda kommersiya obyektlərinin sökülməsi obyekt sahiblərinin narazılığına səbəb olub
Şənbə günü Sumqayıt şəhər hakimiyyəti Sülh küçəsində yol boyunca 2 km. məsafədə bütün ticarət və məişət obyektlərinin söküntüsünü qərara alıb.
Bu gün səhər üçmərtəbəli “Ən ucuz” marketinin sahibi Vüqar Qələndərovdan binanın sökülməsini tələb ediblər.
“Bina 1,2 mln. dollara başa gəlib və mən bu məbləği bankdan kredit götürmüşəm”, - sahibkar Turan-a bildirib. O qeyd edib ki, obyektin sahibliyinə dair bütün zəruri sənədləri var. Marketdə 240 nəfər işləyir və onların hamısı işsiz qalacaq.
Səhər söküntüyə aid edilən digər obyektlərin sahibləri də gələrək şəhər hakimiyyətinin hərəkətlərindən narazılıqlarını bildiriblər.
Qeyd edək ki, söküntü barədə qərar yazılı formada verilməyib, bütün sərəncamlar şifahi verilir. Kompensasiyanın verilməsi barədə söhbət getmir.
Əvvəllər bu küçədə abadlıq işləri aparılıb, bütün obyektlərin fasadı əvvəlki şəhər meri Eldar Əzizovun hazırladığı memarlıq planına uyğun olaraq üzlənib. -08В-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz