Mətbuat Şurası çümə axşamı toplantı keçirib. Bu xəbər Turan-a MŞ-dan məlum olub.
Toplantıda jurnalistlər üçün tikilən çoxmərtəbəli binada mənzillərin bölüşdürülməsi meyarları müzakirə olunub.
MŞ sədri Əflatun Amaşov Şuranın mənzil tikintisi ilə bağlı təklif verdiyi, media ictimaiyyəti ilə sıx əlaqələrə malik olduğu üçün mənzillərin bölgüsü prosesində də iştirak edə biləcəyini qeyd edib.
Praktik fəaliyyət göstərən jurnalistlərin əksəriyyəti redaksiyalarda cəmləşdikləri üçün mənzillərin bölgüsü prosesində KİV-lərin üzərinə məsuliyyət düşdüyü vurğulanıb. Mətbuat orqanlarının çoxunun Şuranın üzvləri olduğu xatırladılıb. Şuranın quruma üzv olan media orqanlarından təkliflər qəbul etməli olduğu nəzərə çatdırılıb. Şuraya üzv redaksiyalar əməkdaşlarından kimin mənzil almağa daha layiqli olduğunu müəyyən etməlidir. Redaksiyalar mənzillərdə say məhdudiyyəti olduğu üçün bu amili nəzərə almağı tövsiyyə edib.
Son 3 ildə mütəmadi olaraq yayımlanan KİV (qəzet, jurnal, informasiya agentliyi və internet xəbər portalı) həmin redaksiyada 5 il fəaliyyət göstərmiş və ümumilikdə 10 il jurnalistlik təcrübəsinə malik əməkdaşlarının adlarını namizəd kimi irəli sürə bilər.
Gündəlik qəzetlər və informasiya agentlikləri mənzil almağa 3, həftəlik qəzet, jurnal və xəbər portalları 1 namizəd müəyyən edə bilərlər.
Namizədi və ya namizədləri müəyyən etmək üçün readksiya iclas çağırmalı, Mətbuat Şurasına möhürlü və imzalı məktub ünvanlamalıdır
Redaksiyanın məktubunda namizədin şəxsiyyət vəsiqəsinin və əmək kitbçasının surətiləri, namizədi müəyyənləşdirən iclasın protokolundan çıxarış (möhürlü və imzalı), Daşınmaz Əmlakın Dövlət Reyestri Xidmətindən namizədin adına ev (mülkün) olmadığını təsdiqləyən sənədin əsli, namizədin tərcümeyi-halı yer almalıdır.
Redaksiya iclas vaxtını MŞ ilə razılaşdırmalı və MŞ nümayəndəsi iclasda iştirak etməlidir. Göstərilən sənədlər iyun ayının 15-dək Şuraya təqdim edilməlidir.
MŞ toplanmış materialları Prezidenti Administrasiyasına təqdim etməyi nəzərdə tutur. -05D-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz