“Müsəlman Birliyi” Hərəkatının həbsdə olan rəhbəri Taleh Bağırov cərimə kamerasına (karser) salınıb. Bu barədə T.Bağırzadə oktyabrın 5-də Bakı Ağır Cinayətlər Məhkəməsində “Nardaran işi” ilə bağlı keçirilən məhkəmə iclasında bildirib.
Vəkil Yalçın İmanov “Amerikanın səsi”nə bildirib ki, Taleh Bağırov məhkəmədə deyib ki, onu oktyabrın 4-də 5 gün müddətinə cərimə kamerasına salıblar.
“Mənim Məhərrəm ayı ilə bağlı müraciətim mətbuatda dərc edildikdən sonra saxlandığım 1 saylı Bakı İstintaq Təcridxanasında kamerama gəldilər və müraciəti yaymağımın səbəblərini soruşdular. Bundan sonra guya kamerada axtarışa mane olmağım adı ilə 5 gün müddətinə cərimə kamerasına salınmağım barədə qərar qəbul edilib”, - T.Bağırov məhkəmədə bildirib.
Vəkil T.Bağırova istinadən deyib ki, bu, əslində ilahiyyatçıya qarşı irəli sürülən ittihamın mahiyyətinə də eyham vurur.
“Taleh Bağırov əvvəldən də bildirirdi ki, siyasi tənqidinə görə həbsə salınıb və Nardaran hadisələrinin əslində kökü də bununla bağlıdır. Bu, bir daha sübut edir ki, Taleh Bağırovun həbsi məhz siyasi hakimiyyəti sərt tənqid etməsi ilə bağlıdır”, - Y.İmanov qeyd edib.
Bu gün “Nardaran işi” üzrə məhkəmə prosesi davam edib. Təqsirləndirilən Abbas Hüseynov prokurora etiraz edib. Məhkəmə bu vəsatəti müşavirədə həll etmək üçün qısa fasilə verib. Prokurorun hakimlərlə birgə müşavirəyə yollanması təqsirləndirilənlər və onların vəkilləri tərəfindən etirazla qarşılanıb.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz