Oktyabrın 5-də görünməyən bağlarla bağlı olan 10 şirkət ləğv edilib. Onların hamısı az qala eyni vaxtda yaradılıb və ləğvetmə barədə informasiyaları da sözbəsöz eynidir.
Şirkətlərin (“Veksel”, “Opsion”, “Divident”, “Alqoritm.az”, “Dempinq.az”, “Alternativ İnnovasiya”, “Podrat İs”, “Biznes Class Co”, “Aktiv Temir” və “Atr Kapital”) ləğv edilməsi barədə informasiya “Vergilər” qəzetinin xüsusi buraxılışında dərc edilib.
Bu şirkətlərin kreditorlarına 70 gün ərzində iddia qaldıra biləcəkləri barədə xəbərdarlıq edilib. Qanunda kreditorlarla hesablaşma üçün azı 60 günlük müddət nəzərdə tutulub.
Bu şirkətlərin beşi Yasamal, 3-ü Sabunçu, qalan ikisi Qəbələ rayonundadır. Şirkətlərin təsisçilərinin adı məlum deyil, direktorları müxtəlif şəxslərdir.
Qlobal şəbəkədə ləğv edilən şirkətlərin təsərrüfat fəaliyyəti barədə heç bir informasiya yoxdur. Turan İA bu şirkətlərin nümayəndələri ilə əlaqə yarada bilməyib.
Bir qayda olaraq, «birgünlük şirkətlər» pulların yuyulması və ya dövlət vəsaitlərinin mənimsənilməsi məqsədilə yaradılır. Bu şirkətlərin belə sxemlərdə iştirak edib-etmədiyi bilinmir.
Vergilər Nazirliyinin məlumatına görə, bu şirkətlərdən ikisinin dövlət büdcəsinə hərəyə 80 manat borcu var. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz