Махир Ходжатов
Tapdıq Fərhadoğlu əməliyyat olunub
Məşhur jurnalist, Turan agentliyinin və “Amerikanın səsi” radiosunun müxbiri Tapdıq Fərhadoğlu bu gün Bakı klinikalarından birində əməliyyat olunub.
Təcili cərrahi müdaxilə zərurəti fevralın 20-də jurnalistin BDU tələbələrinin aksiyası zamanı kürəyindən xəsarət almasından sonra kürəyində və ayaqlarında yaranmış kəskin ağrılarla əlaqədar ortaya çıxıb.
Xatırladaq ki, həmin vaxt BDU mühafizə xidmətinin rəhbəri Mahir Höcətov arxadan tələbələrin aksiyasını çəkən jurnalistin kürəyinə və başına bir neçə təpik-yumruq vurub.
Bundan sonra jurnalist polisə müraciət edib və tibbi müayinədən keçib. Həkimlər xəsarətləri müəyyən ediblər və müalicə yazıblar. Lakin dərman və prosedurlarla ağrılardan qurtulmaq mümkün olmayıb və son günlər onun vəziyyəti kəskin şəkildə pisləşib. Tomoqrafiya nəticələrinə görə jurnalistin onurğa diski sürüşüb. Bu, alınmış xəsarətin nəticəsi ola bilərdi.
Cərrahi əməliyyat aprelin 10-da Baku Medikal Plazada həyata keçirilib.
Cərrah Zaur Aslanovun Turan-a verdiyi məlumata görə, jurnalistə onurğalararası diskdə yırtığın aradan qaldırılması üzrə əməliyyat həyata keçirilib.
Həkimin dediyinə görə, bu xəstəlik bir çox səbəblərdən baş verə bilər. Bu zaman xəstəliyin ağırlaşmasının səbəblərindən biri alınmış xəsarətlər ola bilərdi.
Aslanov qeyd edib ki, əməliyyat uğurlu keçib və sabahdan jurnalist ayağa qalxa biləcək və xəstəxanadan çıxarılacaq. Ev şəraitində tam reabiliyasiya üçün 2-3 həftə tələb olunacaq. -02B-
-
- Cəmiyyət
- 10 Aprel 2014 16:50
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz