Tələbələr arasında fahişəlik

Ərəb turizminin Azərbaycanda öz özəlliyi var, ancaq hökumətdə bu barədə danışmırlar. Problem o qədər qabarıqdır ki, disput.az forumunda "Ərəblər Bakı fahişəxanalarında" adlı müzakirələr üçün platforma yaardılıb.

Azərbaycanda rəsmi fahişəxana yoxdur, ancaq Bakıda köhnə çoxmərtəbəli yaşayış evlərinin zirzəmilərində masaj salonu kimi tanınan yerlər var. Orada müalicəvi masaj alanlar həmin salonların əsl mahiyyətini anlamış olur. Fahişələr gecə klublarında açıq şəkildə fəaliyyət göstərirlər, turistlərə daha da rahat olsun deyə otellərə gedirlər.

Gecə saatlarında Torqovaya və ona yaxın küçələrdə ərəb kişilər niyə dolaşırlar və onlara yaxınlaşan yerli qadınlarla nədən danışırlar? Azərbaycanda ərəb turizmi spesifik çalar alıb. "Nədənsə məndə qəribə şübhələr yaranmağa başladı. Əcaba, bu ərəblərin hamısı turistdirmi? Payız gəldi, onların sayı azalmadı. Görünür, getmək fikirləri yoxdur. Ya onların uşaqları məktəbə getmir, ya da özlərinə işə getmək lazım deyil", - bakılı soruşur. "Mərkəzdə yaşayıram. Çoxlu ərəblər-turistlər var. Çox zaman diqqət edirəm ki, qızlar ərəblərə "ilişməyə" çalışırlar", - digər Bakı sakini yazır.

Hökumət hesabatlarında turizmin "spesifik özəllik" üzrə artmasından danışılmır, orta statistik ərəbin Azərbaycanda xərclədiyi 450 dollardan söhbət gedir.

2017-ci ilin 11 ayında Azərbaycana BƏƏ-dən 87 mindən çox ərəb gəlib. Bu göstərici Rusiya, Gürcüstan, İran və Türkiyə turistlərindən sonra beşincidir. Bu il Əmirlikdən gələnlərə iraqlılar da qoşulub. Əgər bir neçə il öncə Azərbaycana gələn iraqlı turistlərin sayı ildə 2-3 min nəfər təşkil edirdisə, 2018-ci ildə bu rəqəm təxminən 65 min nəfərə çatıb", - Bakıdakı iraqlı məmur bildirib. Azərbaycan prezidenti ərəb turistlərinin sayının 25% artırılacağını vəd edir.

Ərəblərin bir hissəsi (əlbəttə, hamısı yox) Azərbaycana seksual əyləncələr üçün gəlir. Hətta bütün ailəsi ilə gələnlər də bu işlə məşğul olur. Gündüzlər "mədəniyyət proqramını" yerinə yetirdikdən sonra onlar öz ailələrini oteldə buraxır, sonra axşam dostları ilə birlikdə əyləncə yerlərinə gedirlər. Həmin yerlərin ünvan və telefonunu isə bundan öncə Bakıda olan dostlarından alırlar.

Onların orada vaxtı necə keçirməsi barədə kriminal xronikalarda məlumat verilir. Bu ilin yanvar ayında məlumat verilmişdi ki, Bakıda ərəb turist ilə fahişə arasında münaqişə yaranıb. Bakının Nəsimi Rayon Polis İdarəsindən bildirilmişdi ki, Bəhreyn vətəndaşı, 25 yaşlı Mühəmməd Haqqmed Əlqaser Bakı sakini, 31 yaşlı qadın ilə dalaşıb. O, intim xidmət üçün qadını otelə öz otağına dəvət edib. Ancaq qiymət barədə razılığa gəlmədiklərinə görə M.H. Əlqaser qadınla mübahisə edib, sonra ona hücum edərək üzündən vurub. Qadın bunun cavabında ona bir neçə şillə çəkib, üstəlik çaydanı başına vurub.

Gur musiqi sədaları və fahişələrlə dalaşan ərəblərin qışqırtıları bakılıların dincliyini pozur və onlar polisə şikayət edirlər. 2017-ci ilin yayında Bakı Şəhər Baş Polis İdarəsi paytaxtın mərkəzində fahişələrin zəngin ərəb turistlərin ovuna çıxaraq onlara öz təkliflərini xidmət etməsilə bağlı bəzi İnternet-KİV-də yayılan məlumatları şərh etmişdi.

BŞBP-nin mətbuat xidmətindən bildirmişdilər ki, polis bu cür neqativ hallara qarşı mübarizə aparır.

"Ancaq hansısa qıza turistə yaxınlaşmağı, onunla söhbət etməyi və ya Fəvvarələr Meydanında gəzməyi qadağan etmək olmaz, bundan ötrü hüquqi əsaslar yoxdur. Ancaq turistlərin və ya narazı vətəndaşların müraciətlərindən sonra polis əməkdaşları konkret tədbirlər görə bilər. Lakin hələlik belə müraciətlər daxil olmayıb", - BŞBP-dən bildirilib.

Ərəblərin seks-turizm problemi böyüyür və bakılıların rahat yaşamasına mane olur. Dövlət və özəl şirkətlər bundan qazanır - dövlət viza satır, otellər, restoranlar və nəqliyyatçılar xidmətləri satır. Tursektordan uzaq olan Bakı sakinlərinə isə bu biznesin ən xoşəgəlməz hissəsini müşahidə etmək qalır. Hər şey uşaqların gözləri önündə baş verir ki, bu da vətəndaşları daha çox qıcıqlandırır.

Bu məqaləni yazarkən ortaya maraqlı fakt çıxdı. Mənbələr bildirirlər ki, Bakının ali məktəblərinin 1-2-ci kurs tələbələrinin seksual turizmə cəlb edilməsi artır. "Cəlb edilənlər" arasında Sumqayıtda yaşayan tələbələr daha çox seçilir. Onlar əsasən turistlərə mehmanxana otaqlarında xidmət göstərirlər.

Cəmiyyətdə bu fakta qarşı mübarizənin vacibliyi barədə mübahisələr gedir. Ancaq necə? Əgər Azərbaycandakı gizli işsizlik şəraitində bəziləri üçün fahişəlik yeganə qazanc mənbəyidirsə, nə etməli? Ali məktəblərdə təhsil pulludur və hər il artır.

KİV-də Pərvanə adlı fahişə ilə söhbət dərc edilib. O, Fəvvarələr Meydanında fontanın qarşısındakı skamyada oturur. Ərəblərlə işləyir. Deyir ki, bəzən iranlılar da olur, bizimkilər də. Ancaq onun sözlərinə görə, ərəblər daha çox pul verirlə. "Hamısı "mani", yəni, "pul" sözünü başa düşür. Telefonda kalkulyatoru açıram və rəqəmi onlara göstərirəm. Razı olmayıb, başını yelləyirsə rəqəmi silib başqasını yazıram. Əgər rəfiqəm ilə gedirsəm, qiymət iki dəfə artır", - Pərvanə danışır.

Onun sözlərinə görə, bir saatı 100 manata ($59), bəxti gətirəndə isə 150 manata ($88) gedir. Həftədə beş gün işləyir, gün ərzində ancaq bir müştəriyə xidmət göstərir. Pərvanə ayda 1260 dollar qazana bilir. Təhsil və xüsusi bilik tələb etməyən iş üçün çox yaxşı məbləğdir.

Belə iş şəraitində qazanan Pərvanə onu qoruması və "işinə" mane olmaması üçün polisə pul verə bilər. Bununla da hüquq-mühafizə orqanlarının işçiləri də seksual turizmə cəlb edilmiş olur. Deməli, Azərbaycanda bu problemin həlli yoxdur. Üstəlik, bizim ölkəmizdə fahişəliyə görə cəzalandırmırlar, deməli, qanun fahişələri qoruyur. Sadəcə, fahişəliyin təbliği, sutenyorluq, bu biznesin təşkili və qadınlara qarşı zorakılıq qadağan edilib.