Rəşad Maxmudov
Respublika Diaqnostika Mərkəzinin İnvaziv Kardiologiya və Ürək-Damar Xəstəlikləri Şöbəsinin həkimlər briqadası Dr. Rəşad Mahmudovun rəhbərliyi ilə cümə axşamı ürək patologiyaları olan uşaqları əməliyyat etmək üçün sərhədyanı Füzuli rayonuna gəlib.
Tibb mütəxəssislərinin aksiyası "Ürəklər Qarabağ üçün döyünür" şüarı altında keçirilir və 4 gün davam edəcək. Əməliyyatlar Füzuli rayonunun Diaqnostika Mərkəzində keçirilir və cəbhə zonasında 1 yaşından 10 yaşına qədər olan uşaqları əhatə edir. Elə ilk gün altı uşaq əməliyyat olunub.
"Biz uşaqlarımızı normal həyata qaytaran həkimlərə həddindən artıq minnətdarıq", deyə əməliyyat olunmuş uşağın atası Şəmsi Bağırov jurnalistlərə bildirib.
Səhiyyə Nazirliyi valideynləri ön cəbhədə olan uşaqların əməliyyat olunmasının xüsusi əhəmiyyətini qeyd edir.
Səhiyyə Nazirliyi fəaliyyətinin əsas prioritetlərindən biri uşaqların sağlamlığının qorunmasıdır və bununla əlaqədar müxtəlif layihələr və aksiyalar hazırlanır və həyata keçirilir, deyə bu qurumun mətbuat xidmətinin rəhbəri Liya Bayramova Turan-a bildirib. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz