Ticarət mərkəzində sahibkar: 'Yağışda, yanğında ziyana düşürük'
Son günlər güclü yağış nəticəsində Bakı ətrafındakı "Binə" və "Sədərək" ticarət mərkəzlərini növbəti dəfə su basıb. Bəzi sahibkarlar deyir ki, hər dəfə ticarət mərkəzlərini su basanda, yaxud yanğın olanda onlara külli miqdarda ziyan dəyir. Onların iddialarına görə, sığorta şirkətləri malları sığortalamaqdan imtina edir. Sahibkarların deməsinə görə, belə cavab alırlar ki, sözügedən ticarət mərkəzlərinin şəraiti buna imkan vermir.
"Sədərək" Ticarət Mərkəzində adının çəkilməsini istəməyən mağaza sahiblərindən biri son günlər baş verənlərlə bağlı AzadlıqRadiosuna bunları deyib: "Bu dəfə xeyli ziyan dəyib. Kimisi 8, kimisi 15, kimisi də 20 min ziyana düşüb. Bu, təxmini hesablamalardır".
Ticarətçilərin sözlərinə görə, çoxunun malları sığortalanmayıb: "Dəfələrlə sığorta şirkətlərinə müraciət etsək də, malımızı sığortalaya bilməmişik. Deyirlər ki, ticarət mərkəzinin yanğına, subasmaya qarşı sistemi standartlara uyğun deyil deyə, yaxın durmuruq".
"Sədərək" Ticarət Mərkəzinin mətbuat xidmətindən isə Turana bildirilib ki, subasmanın səbəbi yağan güclü yağışa nasosun gücünün çatmamasıdır: "Qarşıda payız, qış fəsli gəlir və ciddi tədbirlər görüləcək ki, bir daha belə hadisə ilə qarşılaşmayaq".
Sığorta məsələsinə gəldikdə isə, ticarət mərkəzindən əlavə edilib ki, bu işi görənlər də var, görməyənlər də: "Sahibkarlar öz mallarını sığortalamalıdır".
"Binə" Ticarət Mərkəzinin rəhbərliyi ilə isə danışmaq mümkün olmayıb.
Azərbaycan Sığortaçılar Assosiasiyasından (ASA) da "Turan"a deyilib ki, zərər çəkmiş sığortalı əmlakların sahiblərinə ödəniş ediləcək, sığortasız əmlakların sahibləri isə zərəri özləri qarşılamalı olacaqlar: "Daşınmaz əmlak sığortası həm icbaridir, həm də ümumilikdə sosial-iqtisadi müdafiə sipəridir... Qeyri-yaşayış obyektlərinin sığorta tarifi obyektin yeri, təyinatı və miqyası nəzərə alınmaqla müəyyən olunur".
Qurumdan deyiblər ki, hər hansı daşınar və daşınmaz əmlakın sığortalanması üçün sığorta predmetinin təhlükəsizlik qaydalarına riayət etməsi tələb olunur: ""Sədərək" Ticarət Mərkəzində əmlak sığortası ilə bağlı tələb olunan qaydalar nəzərə alınarsa, orada yerləşən əmlaklar sığortalana bilər".
Hüquqşünas Əkrəm Həsənov isə AzadlıqRadiosuna bildirib ki, Azərbaycanda mehmanxanalardan tutmuş, restoranlara qədər elə iri ticarət obyektləri var ki, sənədləri qaydasında deyil: "Yerləşdiyi yerə mülkiyyət hüququ, istifadə hüququ olmur. Sığorta şirkəti də sığortalamağa gələndə bunu görüb imtina edir, çünki belə obyekti sığortalamaq qanunsuzdur".
Ekspertin sözlərinə görə, hansısa ticarət obyektinin sənədləri qaydasında deyilsə, orada avtomatik olaraq təhlükəsizlik normaları tələb olunmur: "Çünki bunu ondan heç kim tələb etmir. Həmin ticarət mərkəzlərindən nəyisə alanda müştəriyə qəbz verilmir. Hətta vergi orqanları ora göz yumur, halbuki başqalarına qan uddurur. Yəni, belə yerlərdə çox məsələlər qanunsuzdur".
Ə.Həsənov çıxış yolunu aidiyyəti orqanların kölgə iqtisadiyyatı ilə mübarizəsində görür.
Mövzu ilə bağlı İqtisadiyyat Nazirliyi yanında Dövlət Vergilər Xidməti ilə danışmaq mümkün olmayıb.
-
- Cəmiyyət
- 30 Avqust 2023 14:02
-
- Sosial sahə
- 30 Avqust 2023 14:47
Cəmiyyət
-
Azərbaycan Yerüstü Nəqliyyat Agentliyi bildirib ki, müvəqqəti sxemə əsasən, E1 və 125 nömrəli avtobus marşrutlarının hərəkəti alternativ küçələrlə həyata keçirilir.
-
Mayın 19-da içində İran prezidenti İbrahim Rəisi, xarici işlər naziri Hüseyn Əmir Abdullahian və bir neçə digər rəsmi şəxsin olduğu helikopter qəzaya uğrayıb. Mayın 20-də səhər saatlarında İranın rəsmi şəxsləri prezidentin və onun komandasının həlak olduğunu açıqlayıb. Qəzaya ilkin səbəb kimi əlverişsiz hava şəraiti göstərilir.
-
Mayın 21-də Bakıda və Abşeron yarımadasında hava şəraitinin dəyişkən buludlu, yağmursuz keçəcəyi gözlənilir. Səhər və axşam zəif duman olacaq. Şimal-qərb küləyi əsəcək. Havanın temperaturu gündüz 19-24 dərəcəyə qədər yüksələcək.
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda
Xəbər lenti
-
- Cəmiyyət,
- 13:08
- 123
Rəy yaz