Xəzər rayonu, Buzovna - Şuvelyan şossesi,
Bakı/24.07.23/Turan: Yayın qızğın çağıdır. İsti mövsümdə pul qazanmaq istəyən bir sıra ticarət obyektlərinin sahibləri qanuna məhəl qoymayaraq, küçə ticarəti qaydalarını pozur, səkiləri, velosiped yollarını bağlayırlar. Və bunun hamısı polisin gözü önündə baş verir.
Bu cür hallar ən çox şəhərətrafı kurort zonalarında qeydə alınır.
Məsələn, Xəzər rayonunda Buzovna-Şüvəlan şossesindəki çimərlik mallarının satışı üzrə "Dalğa" mağazasının sahibi səkini, hətta velosiped yolunu reklam lövhəsilə tamamilə bağlayıb. Onun bağlanması "Yol hərəkəti haqqında"qanunun pozulmasıdır.
Qanuna görə, "Velosiped zolağı" velosipedlərin hərəkəti üçün nəzərdə tutulmuş uzununa işarələmə xəttilə ayrılmış yol hissəsidir, "velosiped zolağı" isə avtomagistral və ya avtomagistralın digər elementlərindən ayrılmış, velosipedlərin hərəkəti üçün nəzərdə tutulmuş ayrıca yoldur. Onların bağlanması və maneənin yaradılması kobud pozuntu sayılır.
Lakin nə yol polisi, nə patrul polisi, nə də yerli icra hakimiyyəti nədənsə bunu görmürlər.
Baş Dövlət Yol Polisi İdarəsində baş verənlərdən təəccübləniblər. İdarənin nümayəndəsi Turan-a bildirib ki, bu cür qanunazidd yerlərdə asayişin bərpası üzrə təxirəsalınmaz tədbirlər görüləcək və müvafiq orqanlar məlumatlandırılacaq.
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz