Açiq mənbələrdən foto.
Bakı/08.09.20/Turan: Müsavat Partiyasının qərargah-mənzilində müxalif siyasətçi Tofiq Yaqublu ilə həmrəylik əlaməti olaraq keçirilən aclıq aksiyası davam etdirilir. Aksiya iştirakçısı Elman Quliyevin Turan-a verdiyi məlumata görə, o, aksiyaya dünən qoşulub. Bundan başqa, AXCP fəalları Ayət İsmayıl, Tofiq Məmmədov və Elnur Həsənov yeddinci gündür ki, aksiyanı davam etdirirlər.
“Hələlik vəziyyətimiz qənaətbəxşdir, ağırlaşma yoxdur. Yalnız Tofiq Məmmədovu quru aclıq etməməyə razılaşdırdıq”, deyə Quliyev bildirib.
Aksiya iştirakçılarının tibbi müşahidə altında olub-olmaması haqqında suala cavabda Quliyev deyib ki, hələlik səhhətlərində problem yaranmayıb və onlar həkimə müraciət etməyiblər.
Xatırladaq ki, Demokratik Qüvvələrin Milli Şurasının və Müsavat Partiyasının üzvü Tofiq Yaqublu martın 22-də YNH-dən sonra saxlanılıb. O, digər maşının sürücüsünə və sərnişininə hücum etməkdə ittiham olunub. Amma bu, sübuta yetirilməyib.
Sentyabrın 2-də o, məhkəmədə aclıq elan edib, sentyabrın 3-də isə məhkəmə onu 4 il 3 ay müddətinə azadlıqdan məhrum edib. “Beynəlxalq Amnistiya” Yaqublunu “vicdan məhbusu” kimi tanıyıb. -06D-
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz