Foto: TURAN.az
Bakı/18.09.20/Turan: Həkimlərin xahişlərinə baxmayaraq, Tofiq Yaqublu klinikada qalmaqdan imtina edib və məhkəmənin onun ev dustaqlığına keçirilməsi haqqında bu gün qəbul etdiyi qərardan sonra evə gedib. Saat 17 radələrində Yaqublu ailə üzvlərinin əhatəsində City Hospital klinikasından çıxıb və toplaşan tərəfdarlarına təşəkkürünü bildirib.
Dəstəyinizə görə çox sağ olun, ədalət və həqiqət uğrunda mübarizə davam etdiriləcək. Mövqeyimdən əl çəkmirəm və mənə qarşı irəli sürülmüş ittihamlar uydurmadır. Məhkəmələr, istintaq və onların şahidləri saxtakarlığın iştirakçılarıdır və buna görə cavab verməlidirlər, deyə Yaqublu bildirib. -03B-
* * *
2020 Sentyabr 18 (Cümə) 17:38:07
Tofiq Yaqublu ev dustaqlığına buraxılıb
Bakı/18.09.20/Turan: Apellyasiya Məhkəməsinin hakimi Elmar Rəhimov bu gün 20 dəqiqə ərzində müdafiə tərəfin müxalifətçi Tofiq Yaqublu barəsində qətimkan tədbirinin dəyişdirilməsi və onun ev dustaqlığına keçirilməsi haqqında vəsatətinə baxıb və onu təmin edib. Bu barədə Turan-a Yaqublunun vəkili Elçin Sadıqov məhkəmə zalından çıxarkən bildirib.
Xatırladaq ki, Yaqublu xuliqanlıq ittihamı ilə 4 il 3 ay müddətinə azadlıqdan məhrum edilib. Saxta hökmə etiraz edən Yaqublu aclıq aksiyasına başlayıb, 17 gün aksiyanı davam etdirib və demək olar ki, ölümlə üz-üzə idi.
Çoxsaylı beynəlxalq təşkilatlar və ölkənin bir sıra ictimai xadimi hakimiyyəti ədalətsiz hökmü ləğv etməyə və Yaqublunu azad etməyə çağırıb.
Qeyd edək ki, birinci instansiyanın azadlıqdan məhrumetmə hökmü hələ qüvvəyə minməyib, buna görə də ev dustaqlığına keçirilmə mümkün olub.
Proses zamanı pozuntular haqqında daha bir apellyasiya şikayətinə Apellyasiya Məhkəməsində sentyabrın 28-də baxılacaq.
Qeyd edək ki, həkimlər Yaqublunun vəziyyətinin hələlik xəstəxananın reanimasiya şöbəsindən çıxmağa imkan vermədiyini bildiriblər. Güc yığmaq üçün o, hələ bir neçə gün xəstəxanada qalmalıdır, deyə həkimlər qeyd ediblər. -03B-
Cəmiyyət
-
Bugünlərdə deputat Qüdrət Həsənquliyev parlamentdə prezidentə yalnız məhkumları deyil, istintaq altında olan şəxsləri də əfv etmək səlahiyyətinin verilməsi ilə bağlı təşəbbüs qaldırıb.
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
-
Səhiyyə Nazirliyinin yüksək vəzifəli əməkdaşları həbs edilib, qanunsuz plastik cərrahiyyə əməliyyatlarının aparılması üçün saxta sertifikatlar təqdim etməkdə şübhəli bilinən altı nəfər saxlanılıb. Mətbuat məlumatlarına görə, saxta sertifikatlarla bağlı qalmaqallı yazılarda adı çəkilən Kadrlar, Elm və Təhsil Şöbəsinin müdiri Səidə Rüstəmova bu gün saxlanılıb. Araşdırma yazılarında adı keçən digər şəxslərin də, o cümlədən Səhiyyə nazirinin müavini İlqar Qasımovun həbs olunmuş ola biləcəyi bildirilib.
Rəy yaz