Beynəlxalq Əlilliyi olan Şəxslər Günündə, UNICEF hökumət və vətəndaş cəmiyyətini əlilliyi olan uşaq və gənclərin hüquqlarının müdafiəsi sahəsinə diqqət və sərmayələrin qoyulmasına çağırır. Bu barədə UNİCEF-in press-relizində deyilir.
Qurumun Azərbaycan nümayəndəliyinin rəhbəri Mark Herevard hesab edir ki, əlilliyi olan uşaqların üzləşdikləri çətinliklərin çoxu onların əlilliyi ilə bağlı deyil, qarşılaşdıqları ayrı-seçkiliklə bağlıdır. “Bir çox hallarda bu onların digər uşaqlarla bərabər oynamaq və onlar qədər həyatdan zövq almaq imkanlarını məhdudlaşdırır və bu da onları hər cür zorakılıq, sui-istifadə kimi hallarla üzləşmə riskinə məruz qoyur”.
Azərbaycanda 60 minə yaxın əlilliyi olan uşaq var. Azərbaycan MDB məkanında Əlilliyi olan Şəxslərin Hüquqları Konvensiyasına qoşulan ilk ölkədir.
Dekabrın 7-də UNİCEF hökümət üzvlərinin, Ombudsman Aparatının, Parlament üzvlərinin, vətəndaş cəmiyyətinin və səhiyyə mütəxəssislərinin iştirakı ilə uşaqların əlilliyini yaradan səbəblərin aydınlaşdırılması və aradan qaldırılması üçün mövcud xidmətlərin keyfiyyətinin yaxşılaşdırılmasını müzakirə etmək üçün dəyirmi masa keçirəcək. -04D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz