Nabucco West ilə sazişi dekabrın ortalarında imzalamaq planlaşdırılır

Bu il dekabrın ortalarına qədər Nabucco West layihəsinin müfəssəl öyrənilməsi məqsədilə onun qısamüddətli maliyyələşdirilməsi üzrə qərar qəbul ediləcək. Bu barədə SOCAR prezidenti Rövnəq Abdullayev “Azərbaycan 2020: Gələcəyə baxış” beynəlxalq konfransının pərdə arxasında jurnalistlərə bildirib.

Xatırladaq ki, 9 avqust 2012-ci ildə Transadriatik boru kəməri (TAP) və “Şahdəniz” qaz-kondensat yatağğının işlənməsi üzrə tərəfdarlar layihənin Azərbaycan qazının Avropaya ixracı marşrutunun dəqiq seçiləcəyi müddətə qədər maliyyələşdirilməsi haqqında saziş imzalayıblar. Saziş “Şahdəniz”in işlənməsi üzrə tərəfdarların TAP layihəsində 50%-ə qədər pay əldə etmək imkanını nəzərdə tutur. Layihənin müəllifləri İsveçrənin EGL, Norveçin Statoil, Almaniyanın E.ON Ruhrgas şirkətləridir.

Nabucco West layihəsinin iştirakçıları ilə maliyyə sazişinin hələ oktyabrın sonlarında imzalanması nəzərdə tutulurdu. Lakin boru kəməri konsorsiumunun nümayəndələri “Şahdəniz” iştirakçılarının təkliflərinin daha diqqətli təhlili üçün vaxt istəyiblər.

Hazırda “Şahdəniz” konsorsiumu Azərbaycan qazının Avropaya nəqlinin iki variantına baxır - Nabucco West və TAP, onlardan birinin xeyrinə yekun seçim etmək lazımdır. Bu məsələ ilə bağlı yekun qərarın 30 iyun 2013-cü ilə qədər qəbul ediləcəyi gözlənilir. -12В-