Uzun sürən istidən sonra bir az sərin olacaq

Bakı/28.06.21/Turan: Azərbaycanda bir neçə gün davam edən isti hava şəraiti iyunun 28-dən 29-na keçən gecədən başlayaraq dəyişəcək.

Belə ki, iyulun 1-dək Bakıda və Abşeronda hava küləkli olacaq, şimal-qərb küləyinin sürəti 10-15 metr/saniyə olacaq, arabir 18 metr/saniyəyə çatacaq. İyunun 30-da və iyulun 1-də yarımadanın bəzi yerlərində arabir 20-23 metr/saniyəyədək güclənəcəyi gözlənilir.

Ekologiya və Təbii Sərvətlər Nazirliyinin sinoptiklərinin məlumatına görə, həmin günlərdə havanın temperaturu 4-5 dərəcə enəcək.

29 iyun axşamdan 2 iyuladək bəzi şimal və qərb rayonlarında şimşək çaxacağı, leysan yağacağı gözlənilir. Bəzi yerlərdə dolu düşəcək. Qərb küləyinin sürəti 15-18 metr/saniyə, ayrı-ayrı yerlərdə arabir 20-25 metr/saniyə olacaq. Havanın temperaturu gecə 22-26, gündüz 31-36 dərəcə, Bakıda gecə 24-26, gündüz 34-36 dərəcə isti olacaq. Mülayim şimal-qərb küləyi əsəcək. 

Abşeronun şimal sahilində çimərliklərdə suyun temperaturu 26-27 dərəcə, cənub çimərliklərdə 27-28 dərəcə  isti olacaq.-16D-