Bakı/22.06.17/Turan: İyunun 21-də vəkil Elçin Sadıqov 1 saylı Bakı İstintaq Təcridxanasında jurnalist Əfqan Muxtarlı və Azərbaycan Xalq Cəbhəsi Partiyası sədrinin müavini Gözəl Bayramlı ilə görüşüb.
Vəkil facebook səhifəsində bildirib ki, Əfqan Muxtarlının ailəsi ilə telefon əlaqəsi saxlaması üçün telefon nömrəsini ona verməyə imkan verməyiblər.
"Qanunvericilikdə qadağan olunmadığı halda Əfqan Muxtarlının qol saatını əlindən alıb mənə verdilər. Dedilər ki, guya saata icazə verilmir".
Əfqan Muxtarlı vəkilə bildirib ki, onu yaxşı şəraitdə saxlamırlar.
"Elə şəraitdə saxlayırlar ki, hansısa bir gestapo cəzaçəkmə müəssisəsidir", deyə vəkil jurnalistə istinadən qeyd edib.
AXCP sədrinin müavini Gözəl Bayramlı isə vəkilə bildirib ki, səhhətində ciddi problemlər yaranıb.
"O, çənə oynaqlarında çürümə diaqnozu ilə müalicə olunurdu. Müalicə alması şərtdir. Digər xəstəliklərdən də əziyyət çəkir və qanında da xeyli neqativ hallar aşkarlanıb. Buna baxmayaraq, ona hələki ciddi tibbi yardım göstərilməyib. Bu gün müraciətimizdən sonra həkim müayinəsindən keçiriləcəyi bildirildi".
Vəkil hesab edir ki, xüsusilə də Bayramlının kamerada hərəkətsiz qalmağa məcbur olması səhhətində ciddi problemlər yaradıb.
"Bununla yanaşı, ruhi baxımdan möhkəmdir.
Amma, çənə oynaqlarındakı ağrılardan, baş ağrısından, ağır revmatizmdən əziyyət çəkir", deyə o qeyd edib.
Ə.Muxtarlı mayın 29-da Tbilisidə müəmmalı şəkildə yoxa çıxıb və mayın 30-da Bakıda həbs edilib.
O, sərhədi qanunsuz keçməkdə, qaçaqmalçılıqda, sərhədçiyə müqavimət göstərməkdə ittiham olunur. Jurnalist ittihamları qəbul etmir.
Avropa Parlamenti Ə.Muxtarlının işi üzrə qətnamə qəbul edib və onun azadlığa buraxılmasını tələb edib.
Mayın 25-də AXCP sədrinin müavini G.Bayramlı Gürcüstandan qayıdarkən saxlanılıb.
Dövlət Sərhəd Xidmətinin İstintaq və Təhqiqat İdarəsində ona qarşı Cinayət Məcəlləsinin 206.1-ci (qaçaqmalçılıq) maddəsi ilə cinayət işi başlanıb.
Mayın 26-sı Səbail rayon Məhkəməsinin hökmü ilə Bayramlı 3 ay müddətinə həbs edilib.
Gözəl Bayramlı saxlanmasını siyasi sifariş hesab edir və ittihamı qəbul etmir.
Penitensiar Xidmət vəkilin dediklərinə hələ münasibət bildirməyib. -03B-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz