Bu gün Bakı Ağır Cinayətlər Məhkəməsində AXCP Gənclər Komitəsinin üzvü Elvin Abdullayevin (Abdullazadə) işi üzrə növbəti məhkəmə iclası keçirilib. O, narkotik maddələrin qanunsuz dövriyyəsində ittiham olunur.
İclasın əvvəlində vəkil Əli Mehdiyev qeyd edib ki, məhkəmə E.Abdullayevin günahını sübuta yetirməyib. Məhkəmə hərtərəfli obyektiv araşdırma aparmayıb.
E.Abdullayev yanvarın 8-də Pedaqoji Universitetdə imtahan verdikdən sonra saat 11:30-da Sahil parkında saxlanılıb. Onu maşına əyləşdirib əllərini qandallayıblar və polisə aparıblar. 8 saatdan sonra geyimlərinə baxış keçirilib ki, bu da qanun pozuntusu sayılır.
E.Abdullayevi şəxsən görməyən istintaqçı onun həbsi barədə qərar verib. Müdafiə tərəfinin vəsatətinə baxmayaraq, istintaqçı məhkəməyə çağırılmayıb.
Şahidlərdən biri - Dərgah Quliyev 2008-ci ildən Bakıda və ölkə rayonlarının müxtəlif məhkəmələrində şahid kimi çıxış edir.
Bundan əlavə, məhkəmə Türkel Azərtürkün əlavə şahid kimi çağırılması barədə müdafiə tərəfinin vəsatətini təmin etməyib.
E.Abdullayev polisdə olarkən öz fotosunu mobil telefona çəkib və Facebook-a qoyaraq saxlandığını bildirib.
Polis əməkdaşları bunu biləndə materialın götürülməsini tələb ediblər. Lakin o vaxta qədər T.Azərtürk fotonu görərək başqaları ilə paylaşıb.
Bundan sonra yoldaşları E.Abdullayevə telefon etməyə başlayıblar, lakin polis onun telefonunu alıb.
Vəkilin sözlərinə görə, E.Abdullayev Polis İdarəsində pilləkənləri düşərkən narkotik maddəni onun şalvarının arxa cibinə qoyublar. Bununla əlaqədar vəkil yeni məhkəmə istintaqının keçirilməsi barədə vəsatət qaldırıb.
Məhkəmə vəsatəti təmin etməyib və vəkilin yekun sözlə çıxış etməsini təklif edib.
Vəkil vaxt istəyib. Proses mayın 29-da davam edəcək.
Bundan öncə prokuror E.Abdullayevin 7 il müddətinə azadlıqdan məhrum edilməsini istəyib.
E.Abdullayev CM-in 234.4.3-cü maddəsi (külli miqdarda narkotik maddənin qanunsuz dövriyyəsi) ilə ittiham olunur. Lakin gəncin təqib olunmasının əsl səbəbi onun tələbələr arasında demokratiya ideyalarını təbliğ, hökumətin siyasətini isə tənqid etməsidir.-06B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz