İlin I rübündə Azərbaycanda 7,2 min ton meyvə və tərəvəz şirəsi istehsal edilib. Bu, 2014-cü ilin eyni dövründəkindən 4,3% azdır, deyə Dövlətstatkomda Turan-a bildiriblər.
İstehsalın bir hissəsi (11 776 min litr) ixrac edilib. Malın bir litri xaricə orta hesabla $1-a satılır.
Ötən il şirə istehsalı həcmi 12,8% azalıb və 2012-ci ilin səviyyəsinə düşüb. Rəsmən 29,5 min ton şirə istehsal edilib. Maraqlıdır ki, “Gilan”ın regionda ən böyük şirə zavodu olan Qəbələdə bu məhsulun istehsalı hər il azalır: 2011-ci ildə 19,2 mln litr, 2012-ci ildə 7 mln 659 min, 2013-cü ildə 6 mln 450 min litr şirə istehsal olunub.
Dövlətstatkoma görə, ildə Azərbaycanda 28 min ton meyvə və tərəvəz şirəsi içilir. 2013-cü ilin ərzaq balansına görə, tələbatın 18%-i idxal hesabına təmin edilir. Amma müqayisəli təhlil götərir ki, şirə istehlakı həcmi daha çoxdur. Məsələn, 2007-ci ildə 41,1 min ton şirə idxal edilib. Yerli istehsal bazara daha 26,4 min ton məhsul tədarük edib. Beləliklə, əhalinin artım tempi nəzərə alınmaqla, şirəyə tələbat həcmi ildə 70 min ton və ya bir nəfərə 7,3 litrdir.
Gömrük Komitəsinin məlumatına görə, 2014-cü ildə xaricdə bəyannamə qiyməti $6 mln 275 min olan 5 166 ton şirə alınıb. Xaricə 8,4 min ton şirə satılıb. Malın satışından ixracatçılar $9 mln 55 min qazanıb. Xaricdə daha çox bir neçə nar şirəsi istehsalçının malına tələbat var (AzNar QSC, Miri Grand MMC, Az-Granata).—0--
İqtisadiyyat
-
Avropa Komissiyası Azərbaycanın Avropaya qaz tədarükünü artırmasını Aİ-nin enerji təhlükəsizliyinin təmin edilməsi üçün çox faydalı alternativ mənbə kimi qiymətləndirir, deyə Avropa İttifaqının Enerji Komissarı Kadri Simson Bakıdakı COP29 tədbiri zamanı Turan-a verdiyi eksklüziv müsahibədə bildirib.
-
Bu ilin əvvəlində Qlobal Neft və Qaz Metan Tərəfdaşlığı 2.0 (OGMP 2.0) platformasına qoşulan Azərbaycan Dövlət Neft Şirkəti (SOCAR), COP29 çərçivəsində 15 noyabrda "Yaşıl Zona"da “OGMP 2.0 Liderlər Forumu”na ev sahibliyi etdi. Tədbir neft-qaz sənayesində metan emissiyalarının azaldılması sahəsində irəliləyiş və perspektivləri müzakirə etmək üçün əsas tərəfdaşları bir araya topladı.
-
BMT-nin İqlim Dəyişikliyi üzrə Çərçivə Konvensiyasının (UNFCCC) İcraçı Katibi Saymon Stil, 17-20 noyabr tarixlərində Rio-de-Janeyroda keçiriləcək G20 sammiti ərəfəsində iqlim maliyyələşdirilməsi müzakirələrinin vacibliyini vurğuladı. Stil, hazırda Bakıda keçirilən UNFCCC-nin 29-cu sessiyasından əvvəlki çıxışında aparılan danışıqların həlledici əhəmiyyətə malik olduğunu bildirdi.
-
Azərbaycan Dövlət Neft Şirkəti (SOCAR) Bolqarıstanın qaz paylanması sektorundakı mövqeyini gücləndirir və 2024-cü ilin sonuna qədər bazarın 7,5%-ni ələ keçirməyi planlaşdırır. Hazırda SOCAR Bolqarıstanın təbii qaz ehtiyacının yarısını təmin edir və strateji tərəfdaşlıqlar və paylanma genişləndirməsi vasitəsilə bazardakı payını daha da artırmağı hədəfləyir.
Rəy yaz