Vəkil Muxtar Mustafayev ötən həftə cümə axşamı və cümə günləri müdafiə etdiyi şəxsin - AzМeСo şirkətinin rəhbəri Nizami Piriyevin yanına buraxılmayıb. N.Piriyev DİN Baş Mütəşəkkil Cinayətkarlığa Qarşı Mübarizə İdarəsində saxlanılır.
Vəkil Turan agentliyinin müxbiri ilə söhbətində sözügedən idarədə N.Piriyeva işğəncə verilməsi barədə bəzi KİV-də gedən məlumatları təkzib edib.
Vəkilin sözlərinə görə, o, müdafiə etdiyi şəxsin yanına buraxılmaması ilə bağlı baş prokurora müraciət edib. “Bu, işğəncə ilə bağlı şikayət deyil, N.Piriyevin yanına buraxılmamaqla bağlı müraciət idi.
Bu gün telefonla N.Piriyevlə danışdım və o, mənə bildirdi ki, heç bir işgəncə olmayıb”, - vəkil qeyd edib.
Onun sözlərinə görə, N.Piriyevə baş çəkmək məsələsi də yaxın günlərdə həll olunacaq.
N.Piriyev CM-in 178.3.2 –ci maddəsi (külli miqdarda zərər vurmaqla dələduzlq) ilə ittiham olunur. Lakin o, “ittihamı qəbul etmir”, - vəkil vurğulayıb.
“Müdafiə tərəfi həbs qətimkan tədbirinin dəyişdirilməsi barədə vəsatət qaldırmağı planlaşdırırmı” sualının cavabında vəkil deyib ki, bütün atılacaq addımlar N.Piriyevlə məsləhətləşmə zamanı qərara alınacaq.
Bununla yanaşı vəkil “bir müddət sonra” həbs qətimkan tədbirinin dəyişdirilməsinin mümkünlüyünü istisna etməyib. O, daha ətraflı şərh verməyib.
AzМeСo şirkəti metanol istehsalı üzrə zavoda malikdir və PNN Group-a daxildir ki, bunun da sahibi Nizami Piriyev və onun oğlu Nəsib Piriyevdir.
Ona qarşı ittiham Azərbaycan Beynəlxalq Bankına olan iri məbləğdə borcun qaytarılmaması ilə əlaqədar irəli sürülüb. N.Piriyev bu vəsaitə Bakının yaxınlığında “Metanol”zavodunu inşa edib.—06B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz