![Tanınmış hüquqşünasa qarşı təxribat](https://turan.az/resized/750/500/resize/media/2015/main/052500117067.jpg)
Tanınmış hüquqşünasa qarşı təxribat
Hüquq elmləri doktoru, professor, Rusiya Federasiyası dövlət ədliyyə müşaviri Xanlar Ələkbərov mayın 24-də axşam təxribata məruz qalıb.
Belə ki, saat 18:21-də öz bağından çıxan zaman “yol qəzası” təşkil olunub və guya professorun adam vurması kimi qələmə verilib. 11 dəqiqədən sonra Binəqədi bələdiyyəsinin nümayəndələri, sonra Binəqədi Rayon Polis İdarəsinin əməkdaşları hadisə yerinə gəliblər və bildiriblər ki, “professor qəsdən maşınla adam vurub, ona bədən xəsarəti yetirib”, - X.Ələkbərov bildirib.
“Lakin polis və təxribatçı nəzərə almayıblar ki, mənim avtomobilimdə video-registrator quraşdırılıb. Qeyd etməliyəm ki, bu, son ildə mənə qarşı süni ittiham yaratmaqla bağlı birinci, nə də ikinci hadisə deyil”, - bəyanatda deyilir.
Çəkilişdən görünür ki, avtomobil saatda 1-2 km. sürətlə gedir və heç bir toqquşma yoxdur, yalançı “piyada” isə sadəcə maşının altına uzanaraq qışqırmağa başlayır.
“Zərərçəkən”ə baxış zamanı məlum olub ki, onun ayağında heç sıyrıntı da yoxdur. Lakin polis bildirdi ki, tibbi ekspertiza lazımdır, çünki siqnal daxil olub ki, mən adam vurmuşam”, - professor bildirib.
X.Ələkbərov təxribatla bağlı baş prokurora, DİN rəhbərinə və Rusiya vətəndaşlığı olan şəxs kimi RF səfirliyinə müraciət edib. “Ümid edirəm ki, bu rüsvayçı təxribat Azərbaycanın hüquq-mühafizə orqanları tərəfindən adekvat hüquqi qiymətini alacaq”, - bəyanatda qeyd olunur.
Baş verənlərin səbəblərinə gəlincə, X.Ələkbərov Turan-ın müxbirilə söhbətində bildirib ki, güman ki, onun bu və ya digər hadisə və faktlara hüquqi qiyməti kimlərinsə xoşuna gəlməyə bilər. -02В-
-
- Cəmiyyət
- 25 May 2015 19:33
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz