![Vəkili gənc cəbhəçi ilə görüşə buraxmırlar](https://turan.az/resized/750/500/resize/media/2016/main/072300163187.jpg)
Vəkili gənc cəbhəçi ilə görüşə buraxmırlar
Vəkil Asabəli Mustafayevi Azərbaycan Xalq Cəbhəsi Partiyasının Gənclər Komitəsinin Sumqayıt şəhər şöbəsinin sədri Ruslan Qarayevlə görüşə buraxmırlar.
Bu haqda 20 sutka həbs cəzası verilən gənc cəbhəçinin vəkili Əsabəli Mustafayevin özü məlumat verib.
Vəkilin deməsinə görə, bir saatdan artıq Sumqayıt Polis İdarəsinin qarşısında gözləməyə məcbur qalıb.
“Əvvəl idaryə daxil ola bildim, sonra məni çıxardılar ki, rəis burda yoxdur. Ola bilsin, işgəncə faktı var, ona görə də görüşə mane olurlar. Görünür, iş vaxtının bitməsini gösləyirlər. 102 xidmətinə zəng etdim, ancaq heç bir nəticə yoxdur. Ombudsman Aparatına zəng edirəm, götürmürlər”, vəkil qeyd edib.
Vəkil görüşə imkan verilməməsi ilə bağlı gərəkli hüquqi addımlar atacağını bildirib.
R.Qarayevə 20 sutka həbs cəzası verilib. AXCP-dən verilən bilgiyə görə, onu polisə müqavimət adı ilə saxlayıblar.
Ancaq Daxili İşlər Nazirliyinin mətbuat xidməti deyilənləri şərh etməyib, gəncin saxlanmasının əsil səbəbini açıqlamayıb.
R.Qarayevin iyulun 21-i axşam saatlarında saxlandığı güman edilir. Gecə saatlarında AXCP Sumqayıt təşkilatının bir qrup fəalı polis idarəsinin qarşısına toplaşıb gəncin taleyi haqda məlumat almaq istəyirdilər. Gəncin saxlanma xəbərini də həmin fəallar yayıblar.
Hazırda AXCP-nin 10-dan çox üzvi həbsdədir. Partiya onların siyasi sifarişlə həbs edildiyini düşünür. Hakimiyyət rəsmiləri isə Azərbaycanda siyasi məhbusların olması fikri ilə razılaşmırlar.
-
- Dünyada
- 23 İyul 2016 15:10
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz