![Vəkillər Rauf Mirqədirov barəsində qətimkan tədbirinin dəyişdirilməsini xahiş edirlər](https://turan.az/resized/750/500/resize/media/2014/main/052700079808.jpg)
Vəkillər Rauf Mirqədirov barəsində qətimkan tədbirinin dəyişdirilməsini xahiş edirlər
Mayın 27-də həbsdə olan jurnalist Rauf Mirqədirovun vəkilləri Baş Prokurorluğa müraciət ediblər.
Müraciətdə R. Mirqədirovun barəsində seçilmiş həbs-qətimkan tədbirinin başqa yerə getməmə haqqında iltizamla əvəz olunması xahiş edilib.
Vəkillər müraciətdə yazılanları əsas gətirərək hesab edirlər ki, qondarma ittihamla R.Mirqədirov təqsirli bilmir və ittihamı əsassız, həqiqətdən uzaq, həm də Azərbaycanın maraqlarına ziddi hesab edir. Eyni zamanda, jurnalistin anası Rəfiqə Mirqədirova isə prezident İlham Əliyev və Heydər Əliyev Fondunun prezidenti Mehriban Əliyevaya müraciət edib.
O, özünün yaşlı olmasını və həyat yoldaşının da bu günlərdə vəfat etməsini nəzərə alaraq, övladlarının həbsdən azad olunmasını istəyir.
2010-cu ilin avqustundan Türkiyədə yaşayan “Ayna”-“Zerkalo” qəzetlərinin şərhçisi Rauf Mirqədirov aprelin 19-da bu ölkədən deportasiya olunub. Elə həmin gün də Bakıda həbs edilib.
Dövlətə xəyanətdə ittiham olunan jurnalist 3 aylıq həbs edilib. Jurnalist ittihamları qəbul etmir. Milli Təhlükəsizlik Nazirliyinin istintaq təcridxanasında saxlan jurnalist bu günə qədər istintaqa ifadə verməkdən imtina edir.-16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz