Vicdan məhbusu Şahin Həsənlinin vaxtından əvvəl şərti azadlığa buraxılmasından imtina edilib
Çərşənbə günü Bakı Apellyasiya Məhkəməsində hakim Həsən Əhmədovun sədrliyi ilə AXCP fəalı Şahin Həsənlinin həbs cəzasının yarısını çəkməsi ilə əlaqədar vaxtından əvvəl şərti azadlığa buraxılmasından imtina edilməsi barədə apellyasiya şikayətinə baxılıb.
Vəkil Əlaif Həsənov Turan-a bildirib ki, şikayətə baxılması formal olub və hakim heç bir arqument olmadan Qaradağ Rayon Məhkəməsinin qərarını qüvvədə saxlayıb.
O, məhkəmənin qərarın siyasi motivli hesab edir. “Məhkəmələr narkotik maddə, qətl ittihamları üzrə mühakimə olunanları çox asan vaxtından əvvəl şərti azadlığa buraxırlar. Siyasi məhbuslarla bağlı qərarlar yalnız hakimiyyətin iradəsi olduğu halda qəbul edilir”, - vəkil vurğulayıb.
O bildirib ki, Apellyasiya Məhkəməsinin qərarından Ali Məhkəməyə kassasiya şikayəti veriləcək.
Ş.Həsənli 2011-ci il 2 aprel mitinqi ərəfəsində (31 mart) Şəmkirdə həbs olunub. 2011-ci il iyulun 21-də Şəmkir Rayon Məhkəməsi onu 228.1 maddəsi ilə (odlu silahın, onun hissələrinin, döyüş sursatı, partlayıcı maddələrin qanunsuz saxlanması, gəzdirilməsi, satışı) iki il müddətinə azadlıqdan məhrum edib.
Beynəlxalq Amnesty İnternational hüquq- müdafiə təşkilatı Ş.Həsənlini “vicdan məhbusu” hesab edir.06B--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz