Bakı/30.08.18/Turan: Avqustun 28-də Xaçmaz rayonunda xüsusi əməliyyat zamanı öldürülmüş, dini ekstremizm və terrorizmdə ittiham olunan Niyazi Nəcəfov əvvəllər məhkum olunub. Həm də o, ittihamın bir hissəsi ləğv edildikdən sonra Apellyasiya Məhkəməsi tərəfindən azad edilib.
Vəkil Fariz Namazlının facebook səhifəsində yazdığına görə, 2014-cü ildə Qubada üç nəfər - Vəfadar və Vəfanur Məmmədov qardaşları və onların qohumu Niyazi Nəcəfov həbs edilib.
Onları insan oğurluğu və silah saxlamaqda ittiham edərək, 7 və 8 il müddətinə azadlıqdan məhrum ediblər. Sonradan Sumqayıt Apellyasiya Məhkəməsi insan oğurluğu maddəsindən onlara bəraət verib, cəza müddətini 3 il azadlıqdan məhrumetməyə qədər endirib. Nəcəfov 2017-ci ilin yazında azadlığa çıxıb.
Yaxınlarının sözlərinə görə, Məmmədovların və Nəcəfovun həbsi onların facebook-da o vaxtki MTN rəhbəri Eldar Mahmudovun ünvanına təhqir yer alan status dərc etdikdən sonra baş verib.
"2014-cü il yanvarın 2-də Nizami Nəcəfov facebook-da təhqir yer alan statusla birlikdə Eldar Mahmudovun şəklini dərc edib, Vəfanur Məmmədov isə öz şərhini yazıb.
Yanvarın 4-də Nizami Nəcəfov və Vəfanur Məmmədov həbs edilib. Yanvarın 7-də isə Vəfadar Məmmədov da həbs edilib", deyə Turan-a siyasi mühacirətdə olan fəal Aftandil Məmmədov - Vəfadar və Vəfanur Məmmədovların əmisi oğlu bildirib.
Bu arada, sosial şəbəkələrdə Nəcəfovun Gəncə hadisələrindən sonra güc qurumları tərəfindən "silahlı müqavimət" göstərərkən öldürülən altıncı şəxs olduğu ilə bağlı müzakirələr başlayıb.
İyulun 3-də Gəncənin keçmiş icra başçısı Elmar Vəliyevə qarşı sui-qəsddən və iyulun 10-da bu şəhərdə iki zabitin qətlindən sonra 60 nəfər həbs edilib, daha 6 nəfər öldürülüb.
Demokratik Qüvvələrin Milli Şurasının sədri Cəmil Həsənli güc qurumlarının əməllərinin qanunauyğunluğunu şübhə altına alıb.
"Niyə DTX-nin xüsusi dəstəsi bir terrorçunu silahsızlaşdırmaq və sağ ələ keçirmək iqtidarında deyildi? Dövlət terrorçu ilə terrorçu kimi davranmamalıdır. Onu sağ ələ keçirib, üzvü olduğu qrupun fəaliyyəti haqqında mühüm məlumatları ondan almaq daha yaxşı olmazdı? Nizami Nəcəfovun terrorçu olduğunu və terror aktı hazırladığını kim və necə müəyyən edib?
Son vaxtlar ölkə vətəndaşlarını ekstremist, terrorist, islamçı elan edərək güllələmək normaya çevrilib. Nizami Nəcəfov son altı həftədə DTX və DİN orqanları tərəfindən öldürülən altıncı Azərbaycan vətəndaşı oldu.
İnsanları sübuta yetirilməmiş ehtimallarla öldürərək, ekstremist, terrorist kimi qələmə vermək konstitusiyaya zidd və qanunsuzdur", deyə Həsənli yazır.
Turan-ın sözü gedən hüquq-mühafizə orqanlarından şərh almaq cəhdləri nəticə verməyib. -03B06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz