Ötən il dekabrın 5-də həbs olunmuş jurnalist Xədicə İsmayıla qarşı yeni ittihamlar irəli sürülüb. Bu barədə Turan-a onun vəkili Fariz Namazlı bildirib.
Onun sözlərinə görə, jurnalistə qarşı CM-in 179.3.2(mənimsəmə və israf etmə), 192.2.2 (qanunsuz sahibkarlıq), 213.1(vergi ödəməkdən yayınma) və 308.2-ci (vəzifə səlahiyyətlərindən istifadə olmaqla ) maddələrlə ittham olunub. İttihamlar “Azadlıq” radiosunun fəaliyyəti haqqında 15 yanvar 2015-ci il tarixli vergi aktı əsasında irəli sürülüb.
Vəkilin sözlərinə görə, X. İsmayıl özünü təqsirli bilmir və ifadə verməkdən imtina edib. Sözügedən ittihamlar üzrə onu 12 ilədək azadlıqdan məhrumetmə cəzası gözləyir.
Xatırladaq ki, X. Tural Mustafayevin "özünü öldürmə həddinə çatdırma" iddiası ilə həbs olunub. X. İsmayıl bu ittihamları rədd edərək, həbsini siyasi sifariş sayır.
“Azadlıq” radiosunun rəhbərliyi bəyan edib ki, X. İsmayılın həbsi onun ölkə məmurlarının gizli biznesi haqda araşdırmalarına görə hakimiyyətin qisasıdır.
Amnesty İnternational jurnalisti “vicdan məhbusu” elan edib.-16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz