Xədicə İsmayıla qarşı yeni ağır ittihamlar irəli sürülüb

Ötən il dekabrın 5-də həbs olunmuş jurnalist  Xədicə İsmayıla  qarşı yeni ittihamlar irəli sürülüb. Bu barədə Turan-a onun vəkili Fariz Namazlı bildirib.

Onun sözlərinə görə, jurnalistə qarşı CM-in 179.3.2(mənimsəmə və israf etmə), 192.2.2 (qanunsuz sahibkarlıq), 213.1(vergi ödəməkdən yayınma) və 308.2-ci (vəzifə səlahiyyətlərindən istifadə olmaqla ) maddələrlə ittham olunub. İttihamlar  “Azadlıq” radiosunun fəaliyyəti haqqında 15 yanvar 2015-ci il tarixli vergi  aktı əsasında irəli sürülüb.

Vəkilin sözlərinə görə, X. İsmayıl özünü təqsirli bilmir və ifadə verməkdən imtina edib. Sözügedən ittihamlar üzrə onu 12 ilədək azadlıqdan məhrumetmə cəzası gözləyir.

Xatırladaq ki, X. Tural Mustafayevin "özünü öldürmə həddinə çatdırma" iddiası ilə həbs olunub. X. İsmayıl bu ittihamları rədd edərək, həbsini siyasi sifariş sayır. 

“Azadlıq” radiosunun rəhbərliyi bəyan edib ki, X. İsmayılın həbsi onun ölkə məmurlarının gizli biznesi haqda araşdırmalarına görə hakimiyyətin qisasıdır.

Amnesty İnternational jurnalisti “vicdan məhbusu” elan edib.-16D-