Dini ayin və mərasimlərin təqviminin dəqiqləşdirilməsilə bağlı Bakıya gəlmiş bir qrup İran alimi cümə günü Qafqaz Müsəlmanları İdarəsində (QMİ) şeyxülislam Allahşükür Paşazadə ilə görüşüblər.
A.Paşazadə əsasən Tehran Universitetindən olan alimləri salamlayıb. Azərbaycan müstəqillik əldə etdikdən sonra ölkədə dini proseslərin də inkişaf etdiyini bildirib. Dini proseslər inkişaf etdikcə dindaxili problemlərin yaranması da diqqətə çatdırılıb. Azərbaycanda vahid azan, Ramazan ayında orucun tutulması və açılması vaxtlarının dəqiqləşdirilməsi kimi məsələlərin həllinə ehtiyac yarandığı deyilib. A.Paşazadəyə görə, belə məsələlərin həlli həm də dindaxili məzhəblərin yaxınlaşması kimi amilə ciddi təsir edə bilər. Odur ki, bu sahədə böyük təcrübəsi olan Tehran Universitetinin Geofzika İnstitutu ilə əməkdaşlığa üstünlük verilib. Azərbaycana gələn alimlər Şamaxıda Pirqulu rəsədxanasında olublar və QMİ təmsilçilərilə birgə burada konfrans keçiriblər. A.Paşazadə bu əməkdaşlığın islam həmrəyliyi üçün böyük əhəmiyyəti olduğunu vuğrulayıb. Gələcəkdə bu əməkdaşlıq forrmatında Şimali Qafqaz müsəlmanları üçün dini vaxtların dəqiqləşdirilməsi üzrə fəaliyyət göstəriləcəyi açıqlanıb.
İran səfiri Möhsün Pakayin dini vaxtların dəqiqləşdirilməsilə bağlı Azərbaycan tərəfin təşəbbüsünü yüksək dəyərləndirib, bunu islama hörmət və sayğı adlandırıb. O, Tehran Universiteti Geofizika İnstitutunun 50 ildən çoxdur ki, bu sahədə fəaliyyət göstərdiyini nəzərə çatdırıb. Səfir bu əməkdaşlığın özünü isə iki ölkə arasında münasibətlətin ciddiliyinin göstəricisi kimi qiymətləndirib.
Geofizika İnstitutunun direktoru Fərhəng Əhmədiyyə Giri İnstitutunun hazırladığı dini təqvimlərə islam dünyasının etimad göstərməsilə sözə başlayıb. Şamaxıdakı görüşdə dini vaxtların dəqiqləşdirilməsi metodologiyasının müzakirə olunduğunu nəzərə çatdırıb.
Onun sözlərinə görə, Əbu-Reyhandan bu yana dini təqvimlər barədə fikirlər səsləndirilib. Dini vaxtlar müəyyən edilərkən ehtiyat vaxt müəyyən edilməyib. Yəni, azanın, orucun tutulması və açıqlması vaxtları dəqiq təyin edilir.
Ehtiyat vaxt saxlamaq isə dindarın öz öhdəsinə buraxılır. Şamaxıda alimlər arasında yeni ayın başlaması vaxtının müəyyən edilməsi metodologiyası ilə bağlı da müzakirələr aparılıb.
Bu sahədə ilk görüş 2014-cü ilin payızında baş olub. O zaman Bakıya gələn İran alimləri bu sahədə fəaliyyət göstərə bilmək üçün QMİ və Şamaxı rəsədxanası ilə əməkdaşlığa başlayıblar.-05C-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz