Xədicə İsmayılova Ədliyyə Nazirliyindən və Ali Məhkəmədən izahat tələb edir
Araşdırmaçı jurnalist Xədicə İsmayılova iyunun 6-da Ədliyyə Nazirliyinə və Ali Məhkəmənin hakimi Əli Seyfəliyevə onun işi üzrə hökmlə bağlı elektron sorğu göndərib.
Xatırladaq ki, mayın 25-də Ali Məhkəmə onun 7,5 il müddətinə azadlıqdan məhrum edilməsi haqqında hökmü ləğv edib, onu 5 il sınaq müddəti olmaqla, 3,5 il şərti cəza ilə əvəz edib.
Jurnalist bu qərara etiraz edir və Ədliyyə Nazirliyindən soruşur: indiyədək məhkəmə təcrübəsində sınaq müddətinin şərti cəza müddətindən çox olduğu hallar olub? Belə hallar olubsa, İsmayılova ona məlumat verilməsini xahiş edir.
O, hakim Seyfəliyevdən soruşur: niyə indiyədək onun işi üzrə məhkəmə qərarı AM-nin saytında yerləşdirilməyib?
“Mənə qərar göndərilməyib. Cəzaçəkmə müəssisəsində verilən çıxarışda şərti cəza ilə əlaqədar üzərimə hansı öhdəliklərin qoyulduğu göstərilməyib. Qərarın surətini göndərməyinizi, onu İnternetə yerləşdirməyinizi və məhə şərti cəza üzrə öhdəliklərimi izah etməyinizi xahiş edirəm”, deyə İsmayılova yazır.
Vəkil Əsabəli Mustafayev Turan-a bildirib ki, təcrübəyə əsasən, sınaq müddəti cəza müddətindən qısa olmalıdır.
Vəkil Yalçın İmanov da bildirib ki, sınaq müddətinin şərti cəza müddətindən uzun olduğu hallar bilmir. “Burada ümumiyyətlə məntiq yoxdur, belə çıxır ki, cəza müddəti bitib, sınaq müddəti isə hələ davam edir”, deyə o bildirib.
Vəkil hesab edir ki, qərar İsmayılovanın azadlığını mümkün qədər çox məhdudlaşdırmaq cəhdi ilə əsaslanıb.
Sınaq müddəti hüquqların məhdudlaşdırılmasını, o cümlədən xaricə getməyin qadağan edilməsini nəzərdə tutur. Bundan başqa, məhkum vaxtaşırı məhkəmə icraçılarının qeydiyyatından keçməli, yaşayış yerinin dəyişməsi haqqında məlumat verməli və onu razılaşdırmalıdır. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz