Naxçıvanın həbsdə olan sabiq milli təhlükəsizlik naziri Vəli Ələsgərov barəsində cinayət işi üzrə hazırlıq iclası iyunun 8-i saat 10.00-a təyin edilib. Cinatyət işi mayın 31-də baxılması üçün Naxçıvan Hərbi Məhkəməsinə göndərilib. Bu barədə vəkil Vüqar Xasayev Turan-a bildirib.
Məhkəmə prosesinə sədrliyi Naxçıvan Muxtar Respublikası hərbi məhkəməsinin sədri Qasım Əliyev edəcək.
V.Ələsgərov 15 il Naxçıvan Muxtar Respublikasının milli təhlükəsizlik naziri olub. O, nazir vəzifəsindən 2015-ci il dekabrın ortalarında azad edilib. Bu il martın 7-də həbs edilib və Cinayət Məcəlləsinin 179.3.2, 308.1 və 309.1-ci (böyük ölçüdə mənimsəmə, sui-istifadə və vəzifə səlahiyyətlərini aşma) maddələri ilə ittiham olunur.
Martın 29-da Ələsgərov ev dustaqlığına buraxılıb. Ələsgərov ev dustaqlığına buraxıldıqdan sonra işgəncələrə məruz qalması, özünün və yaxın qohumlarının mülkiyyətlərinin əllərindən alınması və çoxsaylı qohumlarının vəzifələrindən azad edilməsi ilə bağlı bəyantalarını mətbuat orqanları vasitəsilə ictimaiyyətin diqqətinə çatdırıb.
Bundan sonra mayın 14-də keçmiş nazir barəsində ev dustaqlığı qətimkan tədbiri həbs qətimkan tədbiri ilə əvəz edilib. O, yenidən Naxçıvan İstintaq Təcridxanasına qaytarılıb.
Mayın 24-də keçmiş nazirə qarşı qanunsuz dinləmə barədə Cinayət Məcəlləsinin 302-ci maddəsi (Əməliyyat-axtarış fəaliyyəti haqqında qanunvericiliyi pozma) ilə yeni ittiham irəli sürülüb.
“Bu ittihamın (dinləmənin) Naxçıvan Ali Məclisinin sədri Vasif Talıbov və onun ailə üzvlərinə aidiyyatı yoxdur. Söhbət vətəndaşlardan gedir və bu da təsdiqini tapmır”, deyə vəkil Vüqar Xasayev Turan-a bildirib.
Vəkil iyunun 6-da müdafiə tərəfin orderlərinin surətini Naxçıvan Hərbi Məhkəməsinə göndərdiyini deyib.
“Məhkəməyə bildirmişik ki, cinayət işindəki zəruri sənədlərin surəti hələ də müstəntiqlər tərəfindən müdafiə tərəfinə təqdim edilməyib. Ona görə də biz hazırlıq iclasına vəsatətlər hazırlaya bilməmişik. Eyni zamanda xahiş etmişik ki, təqsirləndirlən şəxs Vəli Ələsgərovla onun saxlandığı Naxçıvan MR-in Qarışıq Rejimli Cəzaçəkmə Müəssisəsində görüşmək üçün imkan yaradılsın”, deyə Xasayev qeyd edib. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz