Oktyabrın 15-də Apellyasiya Məhkəməsində həbsdə olan jurnalist Xədicə İsmayılovanın birinci instansiyanın hökmündən verdiyi şikayətə baxılmasına başlanılıb.
İclasın əvvəlində vəkil Fəxrəddin Mehdiyev müttəhimin şüşə akvariumdan çıxarılması haqqında vəsatət qaldırıb, amma hakim bundan imtina edib. Daha sonra vəkil həbs qətimkan tədbirinin dəyişdirilməsi və işin təkrar istintaqa göndərilməsi haqqında vəsatət irəli sürüb. Hakim bu vəsatətləri də təmin etməyib. İsmayılova özü bildirib ki, iş siyasi xarakterlidir və o, məhz siyasi motivlərlə həbs edilib.
“Hər dəfə KİV-də məqalə yazıldıqdan sonra həbsxanada məni cəzalandırırdılar və karserə salırdılar. Bu, işimin siyasi xarakterli olduğunu əlavə təsdiqidir”, deyə o bildirib.
Məhkəməyə müraciət edən jurnalist bildirib ki, məhkəmənin ədalətliliyinə inanmır, ölkədə azad və müstəqil hakim yoxdur. “Buna görə sifarişli qərarınızı ən qısa zamanda çıxarın ki, mən də Avropa Məhkəməsinə tezliklə müraciət göndərə bilim”, deyə o bildirib.
Hakim onun sözünü kəsməyə çalışıb, mahiyyəti üzrə danışmağı tələb edib. Daha sonra hakim elan edib ki, işə mahiyyəti üzrə baxılması 29 oktyabr saat 15-ə təyin edilib.
Məhkəmə zalında Qərb səfirliklərinin nümayəndələri və müxalif siyasətçilər iştirak ediblər. İsmayılova özündən əmin və gümrah görünürdü.
Xatırladaq ki, Ağır Cinayətlər üzrə Məhkəmə saxta vergilərdən yayınma, fırıldaqçılıq və sui-istifadə ittihamları ilə onu 7,5 il müddətinə azadlıqdan məhrum edib. -03D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz