Yaponiya hökumətinin maliyyə dəstəyi ilə Oğuz rayonunun Yaqublu kəndində tibb məntəqəsi tikiləcək. Yaponiya hökumətinin “İnsan inkişafı və təhlükəsizlik” humanitar yardım proqramı çərçivəsində müvafiq qrant sazişi sentyabrın 21-də Oğuz rayon administrasiyasında Yaponiya səfiri Şusuke Vatanabenin iştirakı ilə imzalanacaq.
106. 699 dollar dəyəri olan layihənin həyata keçirilməsi Yaqublu kəndinin və qonşu yaşayış məntəqələrinin 2 mindən çox sakininə tibbi xidməti yaxşılaşdırmağa imkan verəcək.
Yaponiya hökumətinin qrantı ilə daha bir tibb məntəqəsi Şəmkir rayonunun Ələsgərli kəndində tikiləcək. Qrant sazişi sentyabrın 22-də Yaponiya səfiri tərəfindən Şəmkirdə imzalanacaq.
Layihənin dəyəri 123 355 dollar təşkil edir. Bu tibb məntəqəsinin xidmətlərindən də 2 min nəfər istifadə edə biləcək.
Bu günə qədər Yaponiya hökumətinin sözügedən proqramı çərçivəsində son iki layihə də daxil olmaqla, ümumi dəyəri 112 046 329 dollar təşkil edən 156 qrant layihəsi imzalanıb.
Ümumilikdə isə Yaponiya hökuməti Azərbaycanda iqtisadi infrastrukturun yaxşılaşdırılması, kənd təsərrüfatının inkişafı, sosial sahədə, mədəniyyət və insan resursları sahəsində layihələrin həyata keçirilməsinə 1 mlrd. dollardan çox vəsait ayırıb. -06D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz