Ötən həftə Demokratik Qüvvələrin Milli Şurasının üzvü, hərbi ekspert Yaşar Cəfərliyə qarşı törədilmiş sui-qəsd cəhdi ilə bağlı başlamış məhkəmə prosesinin növbəti iclası keçirilib.
Məhkəmə prosesinin gedişindən narazı olan zərərçəkmiş Y. Cəfərli bildirib ki, hüquq- mühafizə orqanları ona qarşı törədilmiş sui-qəsd cəhdini adi toqquşma kimi qələmə verərək məhkəmə prosesini yekunlaşdırmaq istəyir.
“Məhkəmə prosesinin gedişində məlum olur ki, mənə qarşı sui-qəst cəhdi təşkil olunmuş bir hadisədir və bunun arxasında Səfər Əbiyev və onun komandası dayanır. Məhkəmədə istintaq materiallarının araşdırılması zamanı açıq şəkildə görünür ki, mənə qarşı törədilmiş cinayət məqsədyönlü şəkildə olub və mənim ictimai-siyasi fəaliyyətimə qarşı yönəlib. Ümumiyyətlə, həm prokurorluq orqanlarının apardığı istintaq işində, həm də məhkəmə prosesinin gedişində obyektivlik yoxdur”, - o bildirib.
Hərbi ekspert qeyd edir ki, istintaqın gedişi və məhkəmə araşdırması onun şübhələrimin doğru olduğu təsdiqləyib.
“Yəni, mənə qarşı törədilən sui-qəsd dövlət vəzifəsi daşıyan bir qrup cinayətkar tərəfindən təşkil olunub və bunun arxasında Müdafiə naziri Səfər Əbiyev durur”, - o vurğulayıb.
Y. Cəfərli hüquq-mühafizə orqanlarının ona qarşı törədilmiş cinayət işinin araşdırılmasına səhlənkar münasibət bəsləməsini Demokratik Qüvvələrin Milli Şurasına edilən təzyiq kimi qiymətləndirir.
Hərbi ekspert Yaşar Cəfərli bu il aprelin 2-də Yeni Yasamal yaşayış massivində yaşadığı binanın qarşısında naməlum şəxslərin hücumuna məruz qalıb. Y. Cəfərli qonşularının köməkliyi ilə ona hücum edənlərdən birini saxlayaraq polisə təhvil verib. -03D-
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz