“Aprelin 3-də tibbi-ekspertizadan keçdim, yəqin 2-3 günə nəticələri alacağam”. Bu sözləri Turan-a aprelin 2-si axşam saatlarında fiziki hücuma məruz qalan “Ehtiyatda və İstefada olan Zabitlər” birliyinin rəhbəri Yaşar Cəfərli bildirib.
Y.Cəfərli hücum edən şəxslərdən birinin şəxsiyyətinin müəyyənləşdirildiyini, bu şəxsin Elxan Hacıyev adlı adam olduğunu və hazırda 29 saylı polis bölməsiondə saxlandığını deyib. Hadisə ilə bağlı polis təhqiqatı aparılır, təhqiqatın nəticəsi prokurorluğa təqdim ediləcək.
Y.Cəfərli aprelin 2-si saat 22 radələrində yaşadığı binanın önündə iki nəfər naməlum şəxsin hücumuna məruz qalıb. Yaxındakı vətəndaşların köməyilə hücum edən şəxslərdən biri saxlanılıb və Yasamal rayon 29 saylı polis bölməsinə təhvil verilib. -05B-
“Ehtiyatda və İstefada olan Zabitlər” Birlyinin rəhbəri Yaşar Cəfərli aprelin 2-də saat 21:30-da fiziki hücuma məruz qalıb.
Onun sözlərinə görə, evinə qayıdarkən binanın ala-qaranlıq yerində qəfildən 2 nəfərin hücumuna məruz qalıb. Bu şəxslər zərbələri daha çox Y.Cəfərlinin baş və üz nahiyəsinə endiriblər. QHT rəhbəri bu şəxslərə müqavimət göstərərək yaxınlıqdakı adamları köməyə çağıranda hücum edənlər qaçmağa başlayıblar. Nəhayət, onlardan biri vətəndaşların köməyilə saxlanılıb. Y.Cəfəlrinin iştirakı ilə Yasamal rayon Polis İdarəsinin 29 saylı polis bölməsinə təhvil verilib. Bundan əlavə, Y.Cəfərli polis bölməsinə şikayət ərizəsilə müraciət edib.
Hadisənin başvermə səbəblərinə gəlincə, Y.Cəfərli üç mülahizə üzərində qüşündüyünü bildirib. Onun fikrincə, son zamanlar Müdafiə Nazirliyi və şəxsən nazir Səfər Əbiyevi ciddi tənqidlərə məruz qoyduğu üçün bu hücumu nazir S.Əbiyev təşkil edə bilər. S.Əbiyevin yaxın ətrafı ona “sadiq” olduğunu nümayiş etdimək üçün bu hücumu planlaşdıra bilər. Daha bir versiya kimi iqtidardaxili mübarizədə maraqlı olan hansısa qüvvə bu hücumu təşkil edərək müdafiə nazirini şübhə altına gətirə bilər.
Y.Cəfərli Turan-ın müxbiri ilə söhbətində bildirib ki, aldığı xəsarətlərin dərəcəsini müəyyən etmək üçün hazırda tibbi-ekspertizadan keçir.
-05B-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz