Cahangir Hacıyev
Bakı/29.09.17/Turan: Vəkil Fəxrəddin Mehdiyevi "Beynəlxalq Bank"ın həbsdəki sabiq sədri Cahangir Hacıyevlə görüşə buraxmayıblar.
Bu haqda AzadlıqRadiosuna vəkilin özü bildirib.
Onun sözlərinə görə, bu gün, sentyabrın 29-da iki dəfə C.Hacıyevin cəza çəkdiyi 13 saylı Cəzaçəkmə Müəssisəsinə gedib. Ancaq müvəkkili ilə görüşə bilməyib.
F.Mehdiyevə texniki problemlərin olduğu, görüşün bu üzdən alınmadığını bildiriblər.
"Müəssisədə bildirdilər ki, vəkillərin məhbuslarla görüşməsi üçün nəzərdə tutulan otaq məşguldir. Başqa vəkil görüşür", deyən vəkil bunun qanunsuz olduğunu bildirib.
O, qeyd edib ki, 2 gündür, müvəkkili ilə görüşməsinə imkan verilmir. Vəkil cəzaçəkmə müəssisəsinin rəisi ilə görüçmək istəyib, ancaq bu da alınmayıb. Rəisin müəssisədə olmadığını bildiriblər.
F.Mehdiyevin deməsinə görə, Cahangir Hacıyevə 7 sutka cərimə kamerası cəzası verilib.
Qeyd edək ki, vəkilləri iki gündür C.Hacıyevlə görüşmək istəsələr də, görüşə imkan verilmədiyini açıqlayıblar.
Sentyabrın 27-28-də vəkillər Aqil Layic və F.Mehdiyev 13 saylı Cəzaçəkmə Müəssisəsində olub. Ancaq görüş baş tutmayıb.
Vəkillərin açıqlamasını hələlik Penitensiar Xidmət şərh etməyib.
Cahangir Hacıyev 2015-ci il dekabrın 5-dən həbsdədir. O, ötən il oktyabrın 14-də mənimsəmə, vəzifədən sui-istifadə, vəzifə saxtakarlığı kimi ittihamlarla 15 il azadlıqdan məhrum edilib.
C.Hacıyev Beynəlxalq Bankdan müxtəlif adamların adlarına kreditlər ayırıb həmin vəsaitlərin mənimsənilməsində suçlu bilinir.
Ancaq o, özü ittihamları qəbul etmir.
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz