![Yevlax xəstəxanasında yangın olub, söndürülüb](https://turan.az/resized/media/2017/main/072700003431-750-500-resize.webp)
Yevlax xəstəxanasında yangın olub, söndürülüb
Bakıı/27.07.17/Turan: Bu gün, iyulun 27-də Yevlax Mərkəzi Xəstəxanasında yangın baş verib. İlkin məlumata görə, yangın xəstəxananın 4-cü mərtəbəsində baş verib. Hadisə vaxtı xəstəxanada 50-dək xəstənin olduğu bildirilir.
Turan xəbər verir ki, yangın bir saatadək davam edib. Fövqəladə Hallar Nazirliyinin Dövlət Yanğından Mühafizə Xidmətinin Yevlax rayon Dövlət Yanğından Mühafizə Hissəsinin əməkdaşları və yangınsöndürən maşınları yanğını nəzarət altına alıblar.
Yangın nəticəsində xəstələrin, xəstəxana personalının xəsarət almadığı, onların zamanında təxliyə edildiyi bildirilir.
Yevlax Rayon Mərkəzi Xəstəxanasının tabe olduğu Nazirlər Kabineti yanında İcbari Tibbi Sığorta üzrə Dövlət Agentliyinin mətbuat xidməti bu haqda məlumat yayıb.
Məlumatda deyilir ki, agentliyin direktoru da hazırda hadisə yerinə gedib. Xəstəxanada stasionar müalicə alan xəstələrin Mingəçevir Mərkəzi Xəstəxanasında yerləşdirilməsi təmin olunub.
Fövqəladə Hallar Nazirliyinin rəsmi məlumatında isə deyilir ki, yanğın nəticəsində xəstəxana binasının şaxtasında elektrik kabelləri və 4-cü mərtəbədə 4 ədəd oturacaq yanıb.
Yanğın zamanı bir neçə xəstə təhlükəsiz əraziyə təxliyyə olunub. Ölən və xəsarət alan yoxdur.
Report-un xəbərində isə bildirilir ki, yanğına görə, Mingəçevir Şəhər Mərkəzi Xəstəxanasına xəstələri təxliyyə edən təcili tibbi yardım maşınlarından biri qəzaya uğrayıb.
Təcili tibbi yardım maşınının yüksək sürətlə hərəkətdə olan zaman idarəetməni itirdiyi, yol kənarındakı maneəyə çırpılaraq yararsız hala düşdüyü bildirilir. Maşındakı xəstələrin taksi ilə xəstəxanaya çatdırıldığı qeyd edilir. --0-
-
- Siyasət
- 27 İyul 2017 15:54
-
- İqtisadiyyat
- 27 İyul 2017 16:26
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz